الشكر مردود ليك اضعاف يا استاذ هواري علي الدعوة الكريمة علي مدار الساعة , ومتي ما وجدنا ما يليق بمقامك بنجيك قاشرين + والشكر موصول للسيد المشرف وعالم عباس .. والشربكة الللا ليها اول ولا اخر .. والانتماء مربط المصايب والفرس .. سرقوا كل شي ياصديقنا .. واصبحنا كقطرة ماء فقدت مركبها .. فلا سبحنا مع التيار ولا بقينا قاعدين راجين الري .. الشكر موصول لتوما (تو) ... ولمتين مواعيدك سراب... ..............................................................................
اسامة كان بحب محجوب شريف جدا .. (اكشولي) كان بعتقد فيه .. وبقول لي الزول دا (ولي) عديل .. كيف الكلام دا؟ .. قال لي ياخ سيدنا يونس(رضي الله عنه) زهج وفتر واعترض علي امر ربنا وقال ليهو رسلتني لي ناس مصايب .. فعاقبه ربه وبلعه الحوت .. محجوب شريف لي هسي بيغني :
والحوت ما فضل زول ما بلعو .. ولو بالجد كدا داير تعرف محجوب شريف بتلقاهو في:
طلعتن من زوايا السجن (كاللبلاب) وبين السنكى والترباس وبالرقراق وحلق الباب وعبر السور زى النجمة والعصفور تجرن جدولاً رقاق
قدرة عجيبة علي تحويل مشاعر الظلم والقهر والاحباط الي خضرة وجداول وعصافير وأحبة ... فيا صديقي فعل الايمان لاياتي بمعزل عن الايمان نفسه ... وفعل الجمال مابيحصل الا اذا توفر الجمال نفسه .. كدي دور لينا (سرورة) دي كان تهضم لينا (الجكن) دا... اسامة اتوفي قبل سنة كدا وهو مؤمن بالله وبالوطن الخيّر .. جابو ليهو بنية حليونة كدا بعد مااتوفي بشهر .. رحمه الله رحمة واسعة واحسن الينا
.. ونسأل الله العظيم رب العرش العظيم أن يشفي شاعرنا الكبير ويحفظه من كل سوء ...
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
فيس بوك
تويتر
انستقرام
يوتيوب
بنتيريست