الاستعلاء وما ادراك ما الاستعلاء فى خطاب محمد محمد خير

Quote: لقد شاهدت مذيعة التلفزيون السوداني تبكي عندما عرضوا صورة جثمان الدكتور الرنتيسي زعيم حماس . و لا احد يبكي علي ضحايا مذابح الضعين و اطفال الجنوب الذين اكلتهم الجوارح و هم ما زالوا علي قيد الحياة . فلنتالم لالم الفلسطينيين و لكن( الما كفا البيت حرم علي الجيران) .فلنذرف دموعنا علي اشقائنا في الاول و ما بقي من الدمع سنجود به علي الاخرين . لاكثر من اربعين سنه تحدثت و كتبت عن افريقيتي . الاهداء في روايتي الحنق التي كتبتها و انا في الثامنه عشر من عمري كان ( الي مليكي شاكا ......الي دمائي الافريقيه الفائره ، الي عنصري الزنجي الاقوي .... الي شقيقتي انجيلا ديفس ) . نحن لا نمتطي الموجه الان تزلفا او تقربا لقرنق . لقد واجهنا الاستخفاف و السخريه و الاستفزاز في بعض الاوقات . و الغمز و اللمز و الوصف بالجنون . و لو لم تكن لي مقدره علي المواجهه ، و ان من يحاول سيدفع الثمن لتعرضت للضرب . و يسعدني اليوم ان ابنائنا مثل فرح و دينق و عاطف عبدالله و طناش و بكري الجاك و بشاشه و كمال عباس و كثيرون قد حملوا الرايه . و المفهوم بالسودان الجديد هو السودان الذي يقبل بالجميع و من يريد ان يصير عربيا او صينيا او ارنئوطيا فذلك خياره . و لكن لن نسمح بان يستعبد بعضنا الاخرين او ان يستغلوهم او يفرقوهم او يضطهدوهم لانهم ارنئوط . العاوز يلبس طاقية العرب بخيت و سعيد عليه ، بس طاقيتنا لو هبشته منها خيت ما بنخليك . و البجر خيشك بتجر حريره. اليوم في هذه اللحظه هنالك سودانيون مستعبدون في اماكن في السودان . و في اي لحظه يشتم البعض و يحتقروا لانهم غرابه او لانهم جنوبيين . في سنة 1997 قال لي الاخ السر قدور الذي لا يحتاج الي تعريف ردا علي مقالاتي حكاوي امدرمان التي نشرت في جريدة الخرطوم قبل ان تطبع في كتاب (لكن يا شوقي امدرمان الانته بتعرفا دي ما راحت . اسي امدرمان ما اتملت عبيد و غرابه ) . فقلت له ( طيب ، انا اهلي و اهلك ما جو من الشماليه ، امدرمان دي ما حقت كل زول ) . فنظر الي ليتأكد من انني لا امزح و عندما واجه نظرتي الغاضبه تحدث عن امدرمان زمان و اهلها