** د. محمد حسن.. ** سـلام.. ## فى روايه إنو المليارات دى مشت تجيب تلج !!!!؟؟؟ ولى هسه لا التلج جا ولى هى رجعت.. ## الروايه التانيه إنى أنا شلت القروش دى عشان أضارب بيها فى تنزيل العمله بشرط من الوالى وعصابتو الجنيه بدولار أها قمت أديتا لى اصحابى من جماعة التنزيل ولى هسه منتظر لى قريب الــ 20 شهر ,, والقروش إتلحست وأنا لسه منتظر!!!!!
## الروايه التالته وهى أقرب للحقيقه القروش الجماعه "العصابه" إشترو بيها بيوت فى الرياض والمنشيه والطائف وسيارات همر لاولادهم والباقى حولوهو دولارات وتم إيداعها فى الخارج .. ## الروايه الرابعه الجماعه اللحسوا الفله فى سوق المواسير عملوا ابو القاسم مع الجماعه فى الخرطوم ويادار مادخلك شـــر كلو زول طلع بحقو (تربيزة قمار) ,, بس حيطلعوا فتوى شرعيه من تنابلة السلطان :- إنو سوق المواسير كان على حسب نظام الشريعه الإسلاميه كما يُقال ,, ودقى ياموسيقا الفساد وهاك يارقيص بالأصابع والعِصى..(وفى عهدنا الغنى غنى ,, والما غنى يـ.... هنا) (ودام الود بين الجميع حتى نرى العدل والعداله تطول الجميع)
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة