|
|
 Re: هديه لل(د.نجاة)الشيخ (عائض القرني) يقول:(ياليتني امريكي)! (Re: د.نجاة محمود)
|
سلامات يا تراجى....و سلامات يا د.نجاة
حقيقى انا عايشه هنا زمن طويل (حوالى 10 سنوات). ما حصل سمعت واحده ضربها زوجها ( وبلغت البوليس) و البوليس عمل مطنش. بيجوا طوالى. و لو الزوجه ما عندها قروش لمحامى (او اى زول مسكين) المحكة بتعين ليك محامى. ما بيكون احسن محامى فى البلد لكن محامى. التفاصيل بتاعة الزوجة و الاولاد بيمشوا وين و بيحصل ليهم شنو بعد دالك بتختلف من ولاية لولاية.
النساء فى (القتو) يا د.نجاة غالبا بيكونوا ما عارفيين حقوقهم و بيكونوا ملخبطات و جاهلات. ( ذى النساء البسبطات فى السودان اللى زوجها بيضربها لكن قاعده معاه خايفة من الفضيحة)
ما فى راجل فى امريكا يا د.نجاة بيقدر يطلق الزوجته و يطلق معاها اولاده. عندك قروش تدفع قروش للاطفال غصبا عنك. و لو ما دفعت تدخل السجن.
و ما فى راجل بيطلق مرته القاعده معاه 20 سنة و يمشي بشقي العمر يشترى بيت و يعرس بنت ثانوى. لانه الرجل اليوم الطلق فيه زوجته كل الممتلكات اتقسمت النص بالنص. حتى لو كانت ما شغاله. لان قاعد البيت و رعاية الاطفال ما عدم شغلة.
فى بيوت كتيرة جدا هنا بتعملها الولاية لحماية النساء. و بتكون محروسة. بيقعدوا فيها النساء و الاطفال البيعرضوا للعنف لحدى ما يستقروا. و يدخلو السستم بتاع الولفير.
كون ان امريكا يكون فيها سستم ذى ده فدى حاجه كويسه جدا( على الاقل وجود السستم بتاع البيوت دى)
ما ساهل ان زول يكون هوملس يا دنجاة فى امريكا.
لو لقيتى زول هملس اكيد كان داخل فى مشاكل مخدرات و سجن و كده.
و اغلب الناس الهملس هندهم امراض نفسية او مدمنيين
امريكا ما جنة الله فى الارض....لكن حقوق النساء مقدرة اكتر من فى عالمنا
|
|
 
|
|
|
|
|
| |
smart_ana2001
فيس بوك
تويتر
انستقرام
يوتيوب
بنتيريست