بعد أداء صلاة المغرب في جماعة تم توزيع أجزاء القرآن الكريم علي الحضور لختمة لروح الفقيد وكان نصيب صاحبنا الجزء التاسع وكان يجلس شمالي مباشرة يقراءآية وكل ما أحد الاطفال يفتح الباب الفاصل وتهب نسمة ريحة خمرة للداخل صاحبي يفط خمسة آيات ( يقراء سطر ويفط سطر) باكاتوا أتجهجهت وجهجه الجزء التاسع معاهوا غايتوا أبن المرحوم الا يعيد قراءة الجزء حتي يكتمل المصحف كله لروح والده .
لمن باءت كل محاولاتة بالفشل في الذهاب الي الضفة الاخري من الشقة فكر في حيلة تصنع المرض ، وضع المصحف وأردلب هوي علي الارض ، كل الحضور أوقفوا القراءة وأنا أعرف صاحبي جيدا أكثر من جوع بطني يجيد التمثيل أكثر من محمود يسين ومن نوع الناس البتحب يتلموا النسوان فوق رأسوا ويقعدن يردحن سجم خشمي مالك ياود أمي وأوووب علي . سألوة مالك يازول قال عندوا ذمة لمن كتم وساد الهرج والمرج في الصاله ، أفتحوا الباب ، أتصلوا بالاسعاف قلت ليهم لا تفتحوا باب ولا تتصلوا بأسعاف صاحبي دا علاجوا عندي والحالة دي بتجيهوا دائما الزول دا محتاج الحجامة وانا تعلمتها من جدي جيبوا لي صندوق أسعافات أوليه وأثنين برطمان فارغ مربه وزيت أسع بيقوم علي حيلوا وأثناء ما الناس تتجارا شمال ويمين فتح عينوا وقال لي بصوت خافض أتعلمت من جدك يات ا ف ة؟ .
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة