سؤال لبشاشا .. أين أطلقت النار على عبد المنعم سليمان؟

Quote: الأخ بشاشا ياخي أنا هاجمت منعم وينـ أنا مهتم جداً بأنو أفكار منعم تكون واضحة وتتعرض للنقد من الناس البيتبنو نفس الموضوع والمنهج، عشان كدة لمن دخلت وقلت الموضوع دا ما فيهو (رجفة من جعفر)، ودا موضوع نقاش نحن بنتاقش فيهو لينا 18 سنة، أها التمنتاشر سنة من ضمن الناس جعفر وابكر، عشان كدة أنا عارف إنو جعفر ما الزول البيخاف ولا البينحنى (لو سقوه الدم) والمداخلة وما فيها هى للتنبيه ليك إنت يا بشاشا(إنو الكتبو جعفر دا هو دفاع عن كتابة منعم ولسة في نظري أحسن من مجرد التقريظ). الشئ التانى برضو يا بشاشا أها إنت ما بتعرفنى لكن حأقول ليك للمرة التانية، أنا لا الزول البيرجف ولا بخاف من أي شئ ورأئي بقولوا، (والقراءة المعكوسة للتاريخ الفوق دي لمن وقفت ودافعت عنها (مهيرة بائعة المريسة) قصيدة أبكر، كان السلاح الجد جد مشهور في وشي (مش سلاح المنبر الحر المافايت ليهو ناس زي ناس احمد الريح والحبشي وملاسي وغيرهم (عايزين يضيعوا الوقت بطريقة مدروسة)، ودا تاريخ طويل يابشاشا، يمكن ما يهمك في شي، لكن أنا بقولوا هنا لأنو في أوقات حارة زي ديك لمن تتلفت وتلقى زول زي جعفر بشير واقف كتف لي كتف معاك بتعرف إنو ما زول (بيرجف). لذا وجب تنبيهكم يا أخ بشاشا ووجب علينا أنا نتدخل (ودة جزء من ال20%).