|
Re: بيان من لجنة الاطباء تعميم للرأي العام حول بيان الوزاره الاخير فيد (Re: عوض محمد احمد)
|
البطاقه الشخصيه لطبيب سوداني
الأسم بعد الدال_أحمد نوال وأتيم العمر راح دقيش في سلم التعليم الصوره بالنضاره_بحليق ليالي قديم أمعن نظر تلقاها_في جنبتها التتريم سوداني (بالميلاد) لو تكفي غير تنظيم المهنه هي طبيب ووظيفه دون ترقيم الوالده قول بدريه قول حوا قول الليم سهرانه في اللولاي_مشت علي نغيم دكتور يكون يارب ... سماعه كشف القلب ما كان تظن الطب واقع نهايتو أليم أما فصيلة الدم متبرع العالم دمي أنا المسحوب في أي نقلة دم وكذاك مال مرضاي... يمشي ويكب في جيوب تمشي وتكب في بنوك ياحليلو بنك الدم وحليل عيون أطفال ... فيهن أشاهد يومي في فلم أبيض واسود إسمو البراءه وتحتو طوالي ماشي شريط باهت حمارو بسيط إعلان لفقر الدم يا دولة المغنم ... بتعيش على اليتم بالله كيف يا عم تمشي وتلاقي أمم بي أمنك الشبعان وطبيبك المعدم أم ماذا قول لي سم .. أم أم نقولا كتير حتما حتكتر لم حمدا لرب الوب العالم أتعولم شاهد على الجاحد واصل إلي الحاصل مفضوح من اتكتم لو قال سياسي نقول ... روشتة الأصلاح أقراها ياخ ممهول سيسي وحقن أمبول في صيدليتك صرف لو ما في أفصح قول وادينا خاطرك نمشي غيرك نجرب زول
تأريخ الأصدار:- 17.3.2010 نهاية الصلاحيه:- نهايه المهذله د/محمد الطيب عبد الجليل
|
|
|
|
|
|
|
|
|