النوير يطالبون باحالة سلفاكير وقيادات من الجيش الشعبي للمحكمة الجنائية

Quote: يا طراجي ... البشير اباد الزغاوة والمساليت والفور لصالح الجعليين وبواسطة الجعليين؟ ولاّ "العرب" بقى عندهم اتفاق سرّي ضد "الزرقة" بيشبه عنصرية الدينكا ضد النوير؟ ولاّ استغلال مؤسسات الحركة الشعبية لصالح عنصرية الدينكا دي معلومة جديدة عليك؟ ومحاكمة البشير عدالة؟ بينما محاكمة سلفا كير "موت وسط جماعة"؟ و "عرس"؟ والله يا ريتك لو كنتي مبدئية في مواقفك من البشير ... أو في مواقفك من المحكمة ... أو في مواقفك من أهل الهامش ... اتحوّلتي لى هتافية زيّك زيّ مصطفى محمود ... كتّر خيرنا نحن الدافعنا عن السيادة - ولغاية يوم 9/7/2011 بنقول "لا لمحاكمة سلفا كيير في المحكمة الجنائية الدولية" - وكتّر خيرنا الانتقدنا اتهام البشير بمعايير نظام روما ... وبمعايير تاريخ العدالة الدولية ... وما اعفينا البشير من مسؤولياتو التاريخية ... ولا أجحفناهو حقّو من الإنصاف ما أمكن ... هسى بعد الإتفاق على منطقة منزوعة السلاح على الشريط الحدودي وبروتوكول رقابة لنزع السلاح ... البيحصل ما وراء الحدود ما خسّانا نوهائي ... اصطفلوا انتي والمحكمة الجنائية الدولية والحركة الشعبية ... والنوير الله ليهم لا أول شعب مضطهد ولا آخر شعب مضطهد ... (لو بتتذكّري الغنية بتاعة "ناس دارفور الله ليهم")