Quote: عصابات عديل كده ؟ الله بسالك تسمى الجيش الذى دخل ابيى بعصابات ؟ استحى يااخى
بآثارهم تعرفونهم، بالله عليك العمايل العملوها في مواطني أبيي يمكن يعملها جيش نظامي؟ في جيش بيحرق وينهب؟
الجيش يا عزيزي انتهى بتجنيد أول دباب وتكوين مليشيات الدفاع الشعبي؟ لو كانوا عايزين جيش كان عملوا كده؟ لانهم غير واثقين في قوات وطنية نظامية ده السبب تانيا معروف للقريب والبعيد كيف بعد 1989 بيجندوا الكيزان و اهل الولاء وحتى الكلية الحربية اتهدت ملوها بكيزانهم واشباه الكيزان الواحد من ديل تلقاهو يشتغل في جهاز الأمن وفي نفس اليوم في الشرطة ومع الدبابين شايل عصاية يتجارى وراء المظاهرات؟ صار ما في حدود او مسؤليات بين ما كان يعرف بقوات نظامية؟
وين القوات المسلحة؟ زيها وزي كل الاجهزة التم تدميرها وتزيفها وطمس ملامحها ؟ صارت اسم بس اسم بضاروا بيهو جرايمكم. عشان كده الجرايم الدايرة في أبيي عمايل عصابات ومليشيات. وبالمناسبة ده الكلام المفيد البفيد الناس عشان ما يتغشوا
Quote: استحى يااخى
استحي انت البتدافع عن القتلة والمغتصبين البقتلوا بني جلدتهم وتتجرأ من غير خجل تدافع عن الهوس والمجازر والتصفية العرقية. !!
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
صلاح أبو زيد
فيس بوك
تويتر
انستقرام
يوتيوب
بنتيريست