اثر الانفصال علي السودان الشمالي والجنوبي مساحيا...!!!

Quote: يحكي ان عزت احمد علي بدا العمل من النقطه الاولي وعندما قفل في النقطه الاخيره كان ال error امتار فما كان من حاج الباقر الا ان صاح في وجهه يا ولدي نحنا جريناها بالجمال من الاسكندريه لحدي نمولي والerror سنتميرات انتا في 2 كيلو جايب لي error 5 امتار يعني لو قلنا ليك وصل نمولي بتجيب لينا نمولي في السما عديل

عزت زااتو اتحرفن شوية يا بوب وفي زمننا القصة بدل متر لحقت كيلو كامل (ايرور شارع النيل ده) ههههه

مرة اخونا مسساح جديد لنج وكرت كرتونة من الكلية وبعدين شغال( لفل ) بجهاز صيني العينة البعملو القطر قام داك.. واها في اثناء ماهو شغال (فجاة كده انتبه لقي (البابل) بتاع الجهاز اختفي تماما من الدائرة الصغيرة الفيها (البابل) ديك
فما كان منه الا وان يكورك وبالصوت العالي لمهندسه المساح الكبير وبكل خلعة وخوووف
يا ياشمهندس البابل
يا باشمهندس الحق البابل

-----------
والتحية للمهندس عزت
والرحمة والمغفرة لابو المساحة في السودان الحاج الباقر فيوم حوبتو جاء بالحيل
لكننا نسعد بتلاميذه من العلماء ناس حسن فاشر والنويري وكمال عبد اللطيف وغيرهم من علماء المساحة الكبار علي مستوي السودان واولهم بروف عبدالله الصادق

وسنتابع