فى مداخله سابقه لى مع الاخ الغائب الحاضر الصديق وليد عبداللطيف وبخصوص مباراة الرد فى الموسم السابق امام الصفاقصى كتبت للتاريخ :
Quote: لو تلاحظ يا وليد فى مباراة الصفاقصى بالخرطوم :
فى الشوط الاول وعندما فتح الهلال ثغرات فى دفاع الصفاقصى كانت خطة ميشو والتى استمرت حتى نهاية الشوط الاول بتعتمد على التصويب من بعيد برغم تلك الثغرات ياخ الهلال فى الشوط الاول بس ومن خارج المنطقه تقريبا اكثر من 8 تصويبات > رغم انو لحظة التهديف بيكون هنالك لاعب داخل الصندوق وخالى من الرقابه
وفى الشوط التانى وعندما انتبه مدرب الصفاقصى لهذه الثغرات طلب من فريقه التقفيل التام، كان سيد ميشو طلب من فريقه عدم التسديد من الخارج ولعب باصات فى عمق دفاع الصفاقصى من كل الجهات والتى كانت فى متناول الدفاع برغم انو الوضع الجديد كان بتطلب التصويب من الخارج واللعب بالاطراف + والمباراة تسير نحو ضربات الجزاء قام بسحب مهند وسادومبا فتخيل
ياخ انا قبل ما اشتغل واتعامل مع بعض الخواجات هنا فى الخليج كنت بعتقد انو اى خواجه نضيييف .. ولكن تبين لى لاحقا انو الخواجه الكويس ما بطلع من بلدوا نهائى ، واذا طلع بطلع فى بعض المجالات ومنها الرياضه ولكن اما لتحسين سيرته الذاتيه وده بتكون فى اوربا او عائد مادى كبييييير جدا وده بيكون فى الخليج وماشابه ذلك ...
كم كنت اتمنى من مجلس الهلال والفرصه لازال قائمه بضم الهلالابى والذى يجرى حب الهلال فى دمائه واغلب انجازات الهلال كانت وهو موجود لدائرة الكره >>> الهلالابى فوزى المرضى فاللشخص كاريزما قياديه وقوة شخصية واحترام كبيييير ومحبوب من اغلب لاعبى الهلال ...........................
طبعا انا بكتب البوست ده ومتاكد انو لاعبى الهلال متابعين مواقع النت الرياضيه ومنهم هذا الموقع وبقول ليهم > مرحبا بكم فى دور الترضيه بالكونفدراليه، بس ياريت تخزلونى وتعملوها > وهنا بيكون اكيد الانتصار ملكا لكم وبالكامل وده بسبب غياب مجلس الهلال ( بالاستقالات ) + خلو المدير الفنى للهلال من اى فكر كروى
(عدل بواسطة طارق الكوتش on 05-07-2011, 03:12 PM) (عدل بواسطة طارق الكوتش on 05-07-2011, 03:18 PM)
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة