|
Re: اللواء قطبى المهدى (Re: Abdelmuhsin Said)
|
يا ادروب انت قايل نفسك لبنانى؟ الزول اسمو قطبى المهدى. شنو حكاية قال المهدى واضاف المهدى القديتنا بيها دى؟
اللبنانيين والاوربيين بستخدموا الاسم كامل فى البداية وبعدين بستخدموا الاسم الاخير يعنى بقولوا جون ماكين، وبعد داك بقولوا مكين قال ومكين لم يقل.
لكين الطريقة دى مع السودانيين ما بتنفع. عليك الله بطلها وارجع لقديمك. يعنى الافضل تكتب تقول: قطبى فعل وقطبى ترك. بدل المهدى فعل والمهدى ترك.
حكاية استخدام الاسم الاخير مع السودانيين ما لايقة اللهم الا فى حالات معينة يكون للاسم الاخير قوة خاصة تطغى بها على الاسم الاول. يعنى مثلا الكارثة حسين ملاسى الله لا تريحو.. اسمو الاخير ممكن يطغى على اسمو الاول لاسباب منطقية. لكين صاحبك التانى الدكتور البروفيسور امين محمد سليمان مثلا لن يكون من المنطقى استخدام اسمو الاخير كأن تقول سليمان فعل وسليمان ترك. لازم تقول الاسم كامل امين محمد سليمان. فهمت علىّ؟
وبعدين شنو المقال المصيبة ده؟ صاحبك قراه وقال لى (انا قلت لمحمد عثمان مقالك ده عبارة عن قنبلة موقوتة. وانا اثناء ما بقراه خفت ينفجر فينى).
|
|
|
|
|
|