مآخذ على المفهوم الماركسي للدولة

Quote: معليش اقول ليك لو دا فهمك انه غالبا تكون ما فهمت المكتوب في البيان الشيوعي! وبعدين الكلام عن ان الدولة هي اداة قهر, اساسا استعمله الشيوعيين كاثبات لفساد الدولة البرجوازية ومبرر لدعوتهم للتخلي عنها والتحول للاشتراكية. وعشان كدة انجلز تعب ومشى درس اسس الدول من بداية تاريخ المجتمع الانساني, و شرح ما هي الدولة, وكيف تتكون, ولماذا, واي دور تلعبه في المجتمع. و ماركس مشى درس الاقتصاد الاوروبي لعشرات السنين وبعد داك جاء الاثنان وقالوا للبرجوازية دولتكم دي اساسها كدة ودورها كدة عشان كدة فاسدة! وقالوا للعمال دي الدولة البرجوازية, ودا دورها, ودا دوركم في المجتمع, وعشان كدا عليكم تغييرها. يا عاصم هل ممكن نعشم في واحد من مليون من المذهب الذي اتخذاه. انك بس تورينا انك فاهم المفهوم الماركسي للدولة وبعد داك انتقده! لكن ياخ انت بديت البوست ووريتنا انك ما فاهم الكلام الانت عايز تنتقده, لهسع انا متاكد انك ما فاهم المفهوم الماركسي للدولة, مش لاني عايز اتنع(.........) عليك, وانما لانك لحد الان لم تتطرق اليه! هيك رودوس هك سالتا Hic Rhodus hic salta هنا جبل رودوس فارنا مهارتك في القفز! القصة: واحد كضاب من الرومان كان يمشي السوق ويقول للناس انا لما امشي جبل رودوس, بنط عشرة امتار الي اعلى. الرومان مسكوه من يده وودوه الجبل ووقفوا حلقة وقالوا ليه اها يللا نط ورينا! http://en.wiktionary.org/wiki/hic_Rhodus,_hic_salta اها يا جماعة نطوا!!! ----- الكلمة الجمبها القوسين دي انا كتبتها ا ت ع ن ط ظ لكن عمايل كمبيوتر بكري