مستشفى إيطالي بالخرطوم يمارس العنصرية و الإذلال و التفتيش الجسدي على الاطباء السودانيين العاملي

Quote: عندنا محل أمريكي اسمو كوستكو هنا بيفتش شنط الناس و هم طالعين في الأول كنت بمتثل على مضض للقانون دا ظناً انو بيسري على الكل.. يوم لاحظت انهم ما بيسألوا اليابانيين لكن بيركزوا على الأجانب..(المحل أمريكي لكن الاستاف ياباني) لما طلبوا انهم يشوفوا شنطتي.. قلت ليهم نادوا البوليس.. قالوا ليه؟ قلت ليهم إذا بتفتكروا انو أنا حرامية و سارقة منكم حاجة أطلبوا البوليس.. أنا ما حأفتح شنطتي إلا قدام البوليس و قلت ليهم إذا كان بيطبقوا الحاجة دي على الناس كلهم كان يكون أخف شوية مع انها برضو حركة ما كريمة و بإمكانهم بس يختوا أجهزة انذار أسوة بالمحلات اليابانية لكن كونهم سيليكتف فدي عنصرية منهم.. و تاني ما يحلموا اني أفتح ليهم شنطتي إلا في حضور الشرطة! و من يومها لحدي الآن بيستقبلوني بكل احترام في المحل و حفظوا شكلي و عمرهم ما طلبوا فتح الشنطة.. إلا لما يوم جابوا موظف جديد مصر يثبت كفاءته و التزامه بالأوامر.. و لقى الأليق منو و أنا مصرة إلا يطلب البوليس.. انتهت القصة وقتها برئيس الفرع بيقدم اعتذارو الشخصي و كرتو و بيطلب أتصل بيهو شخصياً لو تاني اتعرضت لأي مضايقة من الاستاف بتاعو ، الحاجة اللي عمرها ما حصلت تاني طوال الأربعة سنين الفاتت و لحدي هسة! أكتر حاجة كانت بتضايق.. انو كنت بشوف اليابانية القدامي بتمشي عادي ما في زول بيسألها .. و دي ما أظن عندها مسمى تاني غير عنصرية، و إن كانت ضد الأجانب عموماً غض النظر عن اللون!