بصراحة كدا يا دينق ويا ناس واشنطن قصة الطرد دى انا ما فهمتها تعالوا فهمونى !

Quote: قريت البوست بتاعك يا دينق بطرد رجل السفارة واتحيرتا بالجد ما فهمت .. بالذات لما لقيت الناس كلها اتفقوا فى الراى .. ما علقت هناك لانى حسيت بانى ح اكون شترا وما مقبوله قلت اجيكم براحه كدا تفهمونى .. مفروض انها ندوة مفتوحه والغرض الاساسى منها تسليط الضوء على الانتفاضة والشعب العظيم .. اوووول المستهدفين للندوه دى مفروض يكونوا الناس الما وعو الدرس واتورطو تانى فى انظمة فاسده للمرة المليون .. اول ناس معنيين بالندوة دى هم بلطجية الانظمة لانو الدروس دى موجهه ليهم فى المقام الاول لمتيييييييييييييين نحن ح نقعد نكلم نفسنا وفى روحنا ؟؟ منو فى الحضور الما عارف الكلام البتقال دا ؟ مفروض تستدرجوا الناس ديل استدراج لحضور فعالياتكم وتدوهم فرص للكلام حتى لو ما طلبوا وتخلوهم يعيشوا جو التوق للحرية والانعتاق .. الاحساس بالاجواء دى مطلوب لاى بنى ادم ... عارف يا دينق انا كنت مرة فى تنطيم ورش عمل حول استقلالية القضاء ووحيدة وقومية اجهزة الامن والشرطة .. كان عندى راى دافعت عنه شديد بان يكون كللل المشاركين من اجهزة الدولة نفسها ضباط شرطة وجيش وقضاة اولا عشان ما نكون بنكلم فى روحنا .. تانيا لانو الكلام دا بعنيهم هم وفعلا بيحدث تحولات فى افهامهم مهما ابدو غير ذلك باختصار وح نواصل نقاش فى المداخلات انا ما عرفت طردتو الراجل ليييه ؟؟ مبدا الاقصاء مرفوض كمبدا وبعدين يتجسس على شنو ؟ دا نشاط علنى وما عادت الناس بتخشى الافعال او الكلام او الوثائق حتى ولو دفعت تمنها غالى فالحقوق تنتزع .. الناس الفى البلد هنا بعملوا حاجاتهم علنية ..