رزق الدكتور عبد العزيز عيسى بمولود....الف مبروك (ود ايسا )

Quote: سمي العزيز Abdlaziz Eisa تهانينا الخالصة لك ولزوجتك بمناسبة المولود وإن شاء الله يربى في عزكم. عارف يا عبدالعزيز تشابه الأسماء هذا مازال مسبب لي مشكلة قبل أيام إتصل بي واحد أخونا هنا معانا في هيوستن وبدأ يبارك لي المولود الجديد وراح شابكني ليك ألف مبروك المولود وربنا يجعله من الأبناء الصالحين وهلم جرا.. وهمني جدا أصلو ما أداني فرصة أقول شيء. في النهاية لما الراجل سكت قلت ليهو يازول إنت غلطان في الإسم وربك ستر زوجتي ما سمعت المكالمة علشان كان حتقول الراجل دا متزوج من وراي وأنا ما جايبه خبر وأخوك كان راح فيها خنق رقبة ساي. المهم إتضح إنه في شخص آخر بنفس إسم عبدالعزيز وأخونا وجد أول رقم هاتف بإسم عبدالعزيز في تلفونه وإتصل بي على طول بدون ما يتأكد من الإسم الكامل. غايتو فيصل محمد خليل لو ما كتب الدكتور عبدالعزيز عيسى كان تلفونات التهاني وصلتني بالكوم.