Amira Elsheikh بطلي الغاغا............... هلالنا مية المية

الفاتح جبرا .. في ذمة الله
نعى اليم ...... سودانيز اون لاين دوت كم تحتسب د. الفاتح يوسف جبرا فى رحمه الله
مرحبا Guest
اخر زيارك لك: 09-23-2024, 05:55 PM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مدخل أرشيف الربع الثاني للعام 2011م
نسخة قابلة للطباعة من الموضوع   ارسل الموضوع لصديق   اقرا المشاركات فى صورة مستقيمة « | »
اقرا احدث مداخلة فى هذا الموضوع »
04-03-2011, 12:21 PM

بهاء بكري
<aبهاء بكري
تاريخ التسجيل: 08-26-2003
مجموع المشاركات: 3523

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: Amira Elsheikh بطلي الغاغا............... هلالنا مية المية (Re: حاتم عثمان)

    Quote:



    < طبعا عادى جدا الهلال يتأهل.

    < دي حاجة عادية.

    < الموضوع اكتر من بسيط.

    < الحاجات دي نحن بقينا ما بشتغل بيها.

    < ولا بنكتب فيها.

    < الهلال بتأهل ومن غير ما يتغلب كمان.

    < لا حضري ..لا حسام البدري ..لا عماد النحاس.

    < نفسي اعرف عماد النحاس دا جايبنو لي شنو؟.

    < هي البلد ناقصة (مدير كورة).

    < شن رقد الله في البلد غير (مدراء الكورة).

    < البلد كلها مدراء كورة ...تمشوا تجيبوا ليكم مدير كورة من مصر.

    < نحن ناقصين.

    < لكن الما عادي...عصام الحضري.

    < جابوه بالدولار.

    < ختوه للوبار.

    < لا مطرة لا اعذار.

    < (والينا) قالوا احتار.

    < مسكين جمال الوالي والله.

    < يعمل ليكم شنو اكتر من كدا.

    < عمل ليكم (مقصورة)...قلتوا عاوزين (نجيلة).

    < جاب النجيلة ..قلتوا عاوزين (كورة).

    < جاب ليكم النفطي ما نفع.

    < وارغو ما نفع.

    < الحضري ما نفع.

    < تاني يعمل ليكم شنو اكتر من كدا.

    < نادي المريخ للتربية البدينة والخروج من البطولات الافريقية.

    < أي بطولة يشارك فيها المريخ يطلع.

    < بالحضري او بدون الحضري.

    < لكن الخروج من البطولة بالحضري ...امر (شين).

    < شين عديل كدا.

    < اها بالمناسبة دي....ما حكم (الغرامة) في ظل خروج المريخ من دور الـ 32.

    < ح تدفعوها وإلا ح تعملوا (نايمين).

    < معقولة جمال الوالي يدفع ليهو (غرامة) عشان الحضري يقيف حارس امام (نيل الحصاحيصا).

    < نيل الحاحيصا دا ..(محمد كمال) كفاية عليهو.

    < نيل الحصاحيصا ذنبو شنو؟.

    < اقول ليكم حاجة.

    < اعملوا صندوق.

    < الصرفة الاولى خلي يشيلها (الاهلي المصري).

    < عندي حل تاني.

    < ادفعوا الغرامة (سيخ).

    < نحن قبل كدا قلنا ليكم ..ما سمعتوا كلامنا.

    < قلنا ليكم الحارس دا (كبير) في السن.

    < قلتوا لينا نحن عاوزين (نسابق) بيهو.

    < قلنا ليكم يا مامون ابوشيبة الزول دا عمرو (40) سنة.

    < زعلتوا.

    < قلتوا اربعين سنة عز الطلب.

    < انا اول مرة اشوف لي حارس مرمي عمرو 40 سنة.

    < عمر (مدير مدرسة).

    < انتوا الحارس دا جايبنو تمسكوه (لجنة).

    < 40 سنة يا مفتريين.

    < دا غير (الغرامة).

    < والله الحضري دا (طبلية) بعد العمر دا ما يحرسها.

    < في الهلال نحن اللاعب في السن دا بنمسكوا قطاع الناشئين كمدرب عام.

    < وانتوا بتلعبوه حارس.

    < انت يا الحضري (الغرامة) عملت ليك (حول) في الرياضيات.

    < كمان ما بتعرف حساب.

    < عاوز تغالط الحكم في (الضربات الترجيحية).

    < دي ما في زول سبقك عليها.

    < الحركة دي قالوا الحضري عملها مع جمال الوالي.

    < قالوا الحضري غالط (جمال الوالي) في مائة الف دولار.

    < الحضري لقي الحكاية ماشي.

    < قام غالط الحكم في ضربة ترجيحية.

    < الحكم عاد ضربة موسي الزومة ...الحضري لقي الحكاية ماشي معاه.

    < قال احسن يغالطوا في (ضربة).

    < هي شغلة يا الحضري.

    < المنتخب المصري ما انسترت معاه في (جنوب افريقيا).

    < المنتخب المصري (طيش) مجموعته.

    < والحضري (طيّر) المريخ من دور الـ (32).

    < والله يا الحضري الخروج من دور الـ 32 (محمد كمال) ما سبقك عليه.

    < هسع دي عاوز ليها (حضري).

    < لكن اقول ليكم حاجة.

    < الغرامة شتت ذهن (الحضري).

    < غرامة شنو البتشتت ذهن الحضري.

    < الحضري شتت ذهنو (اعلام الهلال).

    < ليه ؟؟..هو (ذهن) وإلا كمونية ..البتشتت بالسهولة دي.

    < غايتو الحاجة البمسك فيها اعلام الهلال ..اصلو ما بتمشي لي قدام.

    < وارغو المسكين مرقها لي (ليبيا).

    < قالوا ليك (وارغو) هسع بقاتل في كتائب (خميس القذافي).

    < يا وارغو انت مسكين كان اخير ليك تكون (لابد) هنا مع كتائب (جمال الوالي).

    < مالك ومال البهدلة دي.

    < الضرب دا ما بتقدر عليهو.

    < الضرب دا كان يستاهلو (الحضري).

    < زول عمرو اربعين سنة ...ما قادر يصعد بالمريخ الي دور الـ 16.

    < ما قادر يصد ليهو كم ضربة ترجيحية كدا.

    < طيب نحن جايبنك ليه من الصباح.

    < المشكلة كمان جمال الوالي ح يدفع ليهو (الغرامة).

    < غرامة وخراب بيوت.

    < اقول ليكم حاجة..جمال الوالي ح ينكر (الغرامة) حطب.

    < غرامة شنو.

    < بعمل فيها ما عارف.

    < الجابرو شنو يدفع ليهو 800 الف دولار في حارس عمرو 40 سنة.

    < حارس من زمن (يلوحن لي حمامات).

    < زمن الهنود بشلخوهن.

    < زمن اللوري بكون مكتوب فيهو (القسمة ما معروفة).

    < هسع القسمة ذنبها شنو؟.

    < قلت ليكم حارس قديم شديد.

    < زمن (سرور) في بداياتو الفنية.

    < زمن سليمان عبدالقادر بيلعب بي كورة الشراب.

    < حارس قديم زمان.

    < زمن الموية بجيبوها بـ (الدلو).

    < قالوا ليك في واحد كدا ..اول مرة يجي الخرطوم.

    < ولدو اول ما جاء دخلو الصالون وفتح ليهو (المروحة).

    < عمك عاين كدا للمروحة ..وقال هلّا هلّا يا ناس الخرطوم ...مراوحيكم تلعب في السقف زي (الكوتشينة) لمن تكون في الصندوق في اخر جرة.

    < هسع (الكوتشينة) ذنبها شنو؟.

    < شوية كدا ..الولد جاب ليهو موية باردة.

    < التلج يلعب في الجك متل المدافع العاوز يسرق المهاجم.

    < هسع التلج ذنبو شنو؟.

    < الحاج قطع ليك جك الموية ...وقال هلّا هلّا يا ناس الخرطوم مويتكم تلجها زي عربية الاسعاف ..العربات كلها بتفتح ليها الشارع.

    < هسع عربية الاسعاف ذنبها شنو؟.

    < شوية كدا ..عمك جابو ليهو (الغدا).

    < عمك ضرب صاح ...ونام.

    < قام من النوم زي الحصان.

    < الولد قال ليهو اها يا حاج ..عاوزين نمشي للدكتور.

    < الحاج قال ليهو دكتور شنو؟...والله انا من شفت مروحتك معلقة في السقف ..وجع الضهر راح.

    < جبت لي الموية الباردة ..طشاش العين انتهي.

    < اتغديت ..اعراض الضغط والسكرى والفشل الكلوى كلها راحت.

    < دحين لو عندك حاجة غير الدكتور وديني ليها يا ولدي.

    < الولد قال لي ابوه ..اوديك وين يا حاج يعني؟.

    < الحاج قال ليهو وديني حدائق عبود ...حدائق السلام ...خليني اعيش لي يومين في الدنيا دي قبل ما تتم ايامنا.

    < اها الحضري هسع جاء للمريخ على كبر.

    < جاء يقضي ليهو يومين.

    < ويلقي ليهو زول يدفع ليهو الغرامة ...ويرجع اهلو.

    < الوالي لو دفع الغرامة بعد دا ..بكون زي الزول البتمسكل ليهو تلقي واقف قدامك.

    < مسكول بس يجيبو.

    < غايتو الهلالاب ديل الزول الما بريدو في دور الـ 32 ما بريحو.

    < السنة دي يا المريخ عندي ليكم (اقتراح).

    < تجيبوا (المقصورة).

    < تقوموا تلعبوا مباراة ودية.

    < المقصورة ضد النيل الحصاحيصا.

    < المباراة التانية ...تاني تجيبوا (المقصورة).

    < تلعبوا مباراة تانية.

    < المقصورة ضد الاهلي الخرطوم.

    < انتوا عندكم فريق.

    < المقصورة اخير ليكم من البتعملوا فيهو دا.

    < المباراة الثالثة ..تعملوا تغيير.

    < تقعدوا (المقصورة) برة ...وتلعبوا (الطابق التاني).

    < الطابق التاني ضد الامل عطبرة.

    < الكورة دي خلوها.

    < ما عندكم فيها عمار.

    < الحضري دا اقنعوا منو؟.

    < خلاص كبر.

    < الموسم القادم...عارفين عمرو بتكون بقي كم؟.

    < عمرو بكون 41 سنة.

    < يعني بكون زاد سنة.

    < باقي انتوا ما بتعرفوا (الحساب).

    < ح تقعدوا تغالطوا.

    < عارفكم انا.

    < انا قبل كدا قلت ليكم الحضري عمرو 40 سنة ...قلتوا ابدا ..الحضري عمرو 38 سنة.

    < وابوجريشة ...(زول مستعجل) مشي جاب (التورتة).

    < والاحتفال كان على اساس انو الحضري عمرو 38 سنة.

    < يا شماتة (التورتة) فينا.

    < الحضري (اكل) سنتين.

    < واكل التورتة.

    < عشان تستعجل يا ابوجريشة ..وتجيب (التورتة).

    < هسع كان في داعي للتورتة.

    < يا خسارة التورتة.

    < اها الله وراكم ..الحضري دا قدام عينكم قعد يغالط الحكم في (ضربة ترجيحية).

    < باقي ليكم زول بغالط في (الضربات الترجيحية)..ما يغالط في عمرو.

    < بالميت كدا ..الحضري دا بكون اكل ليه (5) سنوات.

    < غير (التورتة).

    < انت خلاص عاوز تمسك لينا (التورتة) دي موضوع.

    < التورتة تطير عيشتها.

    < يا الحضري انت عارف الاسبوع القادم في الدورى المحلي لاعب ضد منو؟.

    < لاعب ضد الخرطوم.

    < افتكر كدا.

    < اصلوا انا الدورى المحلي دا ما متابعو.

    < بعيدين تعال هنا يا حسام البدري ..انت جمال الوالي دا بصرف ليك مرتبك (شيكات).

    < حصل يوم اخرك لي يوم 3.

    < بصرفوك من يوم 23 وبتأخذ مرتبك بالدولار.

    < المشكلة شنو؟.

    < دي خطة هسع تلعب بيها.

    < والله خطتتك دي ..(مازدا) ما بيلعب بيها.

    < زول كان غالب 2-صفر ..يمشي (يطير) في انغولا.

    < قلنا ليكم قبل كدا ...جمال الوالي دا مفروض يعمل ليهو شركة (طيران).

    < أي بطولة يشارك فيها (بطير).

    < زول طار من (سيكافا) راجين ليكم منو نفع.

    < بطولة نظمها ..ودفع جوائزها ...وجاب (حكامها).

    < جاء (طار) منها.

    < زي الزول البكون ساكن مع نسابتو.

    < الخميس والجمعة بقول ماشي اهلو.

    < هسع الكلام دا دخلو شنو بالموضوع ..انت مالك عاوز تلخبط.

    < انتوا وين هيثم طمبل.

    < هيثم طمبل مع الحضري برضو.

    < والحضري مع العجب.

    < عارفين المجموعة دي.

    < دي مجموعة (لقد هرمنا من اجل هذه اللحظة التاريخية).

    < ديل كلهم (هرمنوا).

    < الهرمنة ظاهرة في وشيهم.

    < انا اتحدثت ليكم قبل كدا ..وقلت ليكم الحضري دا (هرم).

    < قعدتوا تغالطوا.

    < المشكلة انكم ما بتصدقوا إلا بعد الفأس ما يقع في الرأس.

    < كلو من (الشروق).

    < الشروق ذنبها شنو؟.

    < الشروق عملتها ظاهرة.

    < خلت سيد البلد ومشت على (الوصيف).

    < عينكم في (سيد البلد) تنقلوا مباراة الوصيف.

    < الشروق مرت من هنا.

    < عشان فصاحتكم دي ..الله عملها فيكم.

    < انا من عرفت ليكم الموضوع فيهو (الشروق).

    < عرفتو ليكم الموضوع (خستك).

    < الموضوع منتهي.

    < أي حاجة يدخل فيها جمال الوالي بشيء او بأخر اقنعوا منها.

    < في واحد قال لي شوف لينا طريقة للحضري.

    < قلت ليهو حضري شنو؟.

    < الزول دا ما عندي ليهو حاجة ..غير (ليبيا).

    < يعيروه ليبيا ...عشان يفهم حاجة.

    < خلوا يمشي محل الضرب دا هناك.

    < الزول قال لي شوف لينا حل غير الاعارة ...ليبيا ما في زول بمشي ليها في الايامات دي.

    < قلت ليهو ما عندي ليكم حل غير اعارة مستعجلة الي ليبيا.

    < ما في علاج غير ليبيا.

    < شفت ليكم الزول اتجرس...وليبيا صعبة على الحضري ..قمت فكرت في حاجة تانية.

    < قمت قلت ليهو خلاص ما تزعل.

    < انا عندي حل.

    < كلموا جمال الوالي يعمل ليهو شركة تجارية....ان شاءالله شركة مقاولات...ويعمل الحضري المدير الاداري.

    < الحضري ما بقصر معاكم..بقعد يغالط ليكم.

    < استفيدوا من الحضري ..ان شاءالله تعملوا ليهو (مطعم).

    < الكورة خلاص...الحضري خلوهو يقنع منها.

    < زول الحساب ما بعرفو كمان.

    < انت يا الحضري لو حولوا ليك الضربات الترجيحية دي (دولارات) بتعرف تحسبها.

    < غايتو اقول ليكم حاجة اخيرة.

    < 40 سنة وضاعت ساكت.

    < لكن بيني وبينكم كدا.

    < كلو من (التورتة).

    < ما في حاجة عملتها فيكم غير (التورتة).

    < انت تعال هنا ..هسع (التورتة) ذنبها شنو؟.

    < السبب (موسي الزومة)..ما التورتة.

    < انت ساكت شايلها مع (التورتة).

    < اخر حاجها ومنها ندخل على (الهوامش).

    < انا الليلة بتوقع مامون ابوشيبة يكتب عن المخاطر التي يمكن ان تواجه ولاية الخرطوم في الخريف القادم.

    < الخريف بمرقك يا ابوشيبة.

    < اما مزمل ابوالقاسم فهو من دون شك سوف يتكتب عن فشل قناة قوون في نقل مباراة الهلال.

    < اها يرضيك كدا يا مزمل.

    < قناة قوون جابت كورتكم.

    < قمتوا طلعتوا.

    < كلو من (الشروق).

    < السبب الشروق.

    < بابكر سلك ح يكتب الليلة (لو كتب في الاساس) عن العودة الحتمية الي ود الياس.

    < وما بعيد مريخاب يطلعوا الشارع ..(عائد ..عائد يا ود الياس).

    < غايتو جمال الوالي لو ما (اتنحي) يا مريخاب ..الجمعة القادمة إلا نعمل ليكم (جمعة الخلاص).

    < انتوا محتاجين عديل لي (جمعة خلاص).

    < لكن جمال الوالي دا زي علي عبدالله صالح ..ما (بتنحي) بي اخوى واخوكم.

    < هسع يغشكم تاني.

    < ويقول ليكم ح نجيب ليكم حارس انتركلوب.

    < وح نجنسوا ليكم.

    < واعلام المريخ بكرة بدور في الموضوع دا.

    < عشان تنسوا.

    < وتاني تقوموا تتغشوا.

    < المشكلة انكم بتصدقوا.

    < لو ما بتصدقوا جمال الوالي دا ما بقعد بعد (وصافتو) دي.

    < نحن صلاح ادريس كل مرة يجيب لينا بطولة.

    < برضو اتخارجنا منو.

    < نحن صعبين.

    < لكن لو دي كورتكم بالجد كدا.

    < شجعوا (الامل عطبرة) وارتاحوا من (الحضري).

    < يا الحضري.

    < يا الجمرة الخبيثة.

    < لقد هرمت.

    < هسع بكرة الجماعة ديل يقولوا (الطقس).

    < والامطار.

    < والمعاملة.

    < لكن الحمدلله ..الهلال حددها معاكم السنة دي ...ما في أي طريقة للكذب.

    < عارفين ليه؟.

    < عشان الهلال بيلعب في نفس الدولة التي لعبتوا فيها.

    < يعني حكاية (المطرة) دي شيلوها من رأسكم.

    < ملحوظة : يا الحضري ..(لقد هرمت).

    هوامش

    < موسي الزومة دا قايل نفسو الي الان بيلعب في ميدان عقرب.

    < زول يعيدوا ليهو (الضربة الترجيحية) مية مرة ...وبرضو ما يجيبها.

    < مفروض الهلالاب يقرروا دفع غرامة الحضري.

    < جمال الوالي تاني ما بدفعها.

    < كل الاندية العربية امس مهزومة.

    < عدا الهلال.

    < الهلال والافريقي التونسي مواجهة موت احمر.

    < الاهلي المصري بعيد عن مستواه.

    < بكرة يمكن جمال الوالي يقول ح نعمل اضاءة جديدة للاستاد.

    < بيني وبينكم بعد الخروج من البطولة الافريقية استادكم محتاج لاضاءة.

    < الاضاءة ما كعبة معاكم.

    < على الاقل تلقوا ليكم موضوع تكتبوا فيهو.

    < اهلى شندي ..يجدد اتصالاته بي حسام البدري.

    < هلال كادوقلي يرفض (الحضري).

    < يا الحضري ..ما احترمت نفسك.

    < لقد هرمت.

    < لماذا لا يحضر جمال الوالي للمريخ شكرى الواعر.

    < احسن من الحضري.

    < على الاقل شكرى الواعر ما عليهو (غرامة).

    < طارق مختار امس كان لاعب مع منو؟.

    < بعاين فيهو المباراة كلها ..ما عرفتو شايت وين؟.

    < سادومبا رفض ان يخرج الهلال مهزوم.

    < حاجة الهلال الي هيثم مصطفي حفظه الله ورعاه في المرحلة المقبلة كبيرة.

    < مجلس ادارة نادي الهلال يجب ان يحل مشاكل كل اللاعبين ..ونتمني ان يتم علاج فييرا ليلحق بالمباراة الافريقية القادمة.

    < عاجل: المريخ يطعن في مشاركة الحضري.




    سلامات ياسامية
    وتحية لبت الشيخ

    http://goansport.net/article/id/40870

    (عدل بواسطة بهاء بكري on 04-03-2011, 12:28 PM)
                  

العنوان الكاتب Date
Amira Elsheikh بطلي الغاغا............... هلالنا مية المية ساميه حامد04-02-11, 06:43 PM
  Re: Amira Elsheikh بطلي الغاغا............... هلالنا مية المية عبدالمجيد الكونت04-02-11, 06:56 PM
    Re: Amira Elsheikh بطلي الغاغا............... هلالنا مية المية ياسر بيناوي04-02-11, 07:45 PM
    Re: Amira Elsheikh بطلي الغاغا............... هلالنا مية المية ismeil abbas04-02-11, 07:45 PM
      Re: Amira Elsheikh بطلي الغاغا............... هلالنا مية المية ساميه حامد04-02-11, 09:05 PM
        Re: Amira Elsheikh بطلي الغاغا............... هلالنا مية المية ساميه حامد04-02-11, 09:07 PM
          Re: Amira Elsheikh بطلي الغاغا............... هلالنا مية المية ساميه حامد04-02-11, 09:13 PM
            Re: Amira Elsheikh بطلي الغاغا............... هلالنا مية المية اسماء الجنيد04-02-11, 09:27 PM
              Re: Amira Elsheikh بطلي الغاغا............... هلالنا مية المية ساميه حامد04-02-11, 09:41 PM
              Re: Amira Elsheikh بطلي الغاغا............... هلالنا مية المية manal eltahir04-02-11, 09:45 PM
                Re: Amira Elsheikh بطلي الغاغا............... هلالنا مية المية ساميه حامد04-02-11, 09:56 PM
                  Re: Amira Elsheikh بطلي الغاغا............... هلالنا مية المية Yassir Tayfour04-02-11, 10:00 PM
                    Re: Amira Elsheikh بطلي الغاغا............... هلالنا مية المية ساميه حامد04-02-11, 10:08 PM
                      Re: Amira Elsheikh بطلي الغاغا............... هلالنا مية المية Amira Elsheikh04-03-11, 08:52 AM
                        Re: Amira Elsheikh بطلي الغاغا............... هلالنا مية المية ABUHUSSEIN04-03-11, 09:11 AM
                          Re: Amira Elsheikh بطلي الغاغا............... هلالنا مية المية Amira Elsheikh04-03-11, 09:17 AM
                            Re: Amira Elsheikh بطلي الغاغا............... هلالنا مية المية معاوية عبيد الصائم04-03-11, 09:20 AM
                              Re: Amira Elsheikh بطلي الغاغا............... هلالنا مية المية Amira Elsheikh04-03-11, 09:23 AM
                                Re: Amira Elsheikh بطلي الغاغا............... هلالنا مية المية صديق الموج04-03-11, 09:29 AM
                            Re: Amira Elsheikh بطلي الغاغا............... هلالنا مية المية فايزودالقاضي04-03-11, 09:26 AM
                              Re: Amira Elsheikh بطلي الغاغا............... هلالنا مية المية ABUHUSSEIN04-03-11, 09:30 AM
                                Re: Amira Elsheikh بطلي الغاغا............... هلالنا مية المية ABUHUSSEIN04-03-11, 09:32 AM
                            Re: Amira Elsheikh بطلي الغاغا............... هلالنا مية المية عادل الباهي عبدالرازق04-03-11, 09:31 AM
                              Re: Amira Elsheikh بطلي الغاغا............... هلالنا مية المية Amira Elsheikh04-03-11, 09:34 AM
                                Re: Amira Elsheikh بطلي الغاغا............... هلالنا مية المية الصادق صديق سلمان04-03-11, 10:00 AM
                                  Re: Amira Elsheikh بطلي الغاغا............... هلالنا مية المية Amira Elsheikh04-03-11, 10:17 AM
                                Re: Amira Elsheikh بطلي الغاغا............... هلالنا مية المية صديق الموج04-03-11, 10:00 AM
                                  Re: Amira Elsheikh بطلي الغاغا............... هلالنا مية المية Amira Elsheikh04-03-11, 10:27 AM
                                    Re: Amira Elsheikh بطلي الغاغا............... هلالنا مية المية مها عبد الله04-03-11, 10:39 AM
                                      Re: Amira Elsheikh بطلي الغاغا............... هلالنا مية المية Amira Elsheikh04-03-11, 10:44 AM
                                        Re: Amira Elsheikh بطلي الغاغا............... هلالنا مية المية ساميه حامد04-03-11, 11:12 AM
                                          Re: Amira Elsheikh بطلي الغاغا............... هلالنا مية المية ساميه حامد04-03-11, 11:14 AM
                                            Re: Amira Elsheikh بطلي الغاغا............... هلالنا مية المية ساميه حامد04-03-11, 11:17 AM
                                              Re: Amira Elsheikh بطلي الغاغا............... هلالنا مية المية ساميه حامد04-03-11, 11:21 AM
                                        Re: Amira Elsheikh بطلي الغاغا............... هلالنا مية المية سيف بخيت موسي04-03-11, 11:13 AM
                                          Re: Amira Elsheikh بطلي الغاغا............... هلالنا مية المية ساميه حامد04-03-11, 11:23 AM
                                            Re: Amira Elsheikh بطلي الغاغا............... هلالنا مية المية ساميه حامد04-03-11, 11:26 AM
                                              Re: Amira Elsheikh بطلي الغاغا............... هلالنا مية المية ساميه حامد04-03-11, 11:31 AM
                                                Re: Amira Elsheikh بطلي الغاغا............... هلالنا مية المية ساميه حامد04-03-11, 11:33 AM
                                                  Re: Amira Elsheikh بطلي الغاغا............... هلالنا مية المية ساميه حامد04-03-11, 11:35 AM
                                                    Re: Amira Elsheikh بطلي الغاغا............... هلالنا مية المية طارق جبريل04-03-11, 11:37 AM
                                                      Re: Amira Elsheikh بطلي الغاغا............... هلالنا مية المية عبدالكريم أحمد الامين04-03-11, 11:52 AM
                                                    Re: Amira Elsheikh بطلي الغاغا............... هلالنا مية المية ساميه حامد04-03-11, 11:38 AM
                                                      Re: Amira Elsheikh بطلي الغاغا............... هلالنا مية المية ساميه حامد04-03-11, 11:41 AM
                                                        Re: Amira Elsheikh بطلي الغاغا............... هلالنا مية المية ساميه حامد04-03-11, 11:43 AM
                                                          Re: Amira Elsheikh بطلي الغاغا............... هلالنا مية المية ساميه حامد04-03-11, 11:45 AM
                                                            Re: Amira Elsheikh بطلي الغاغا............... هلالنا مية المية ساميه حامد04-03-11, 11:48 AM
                                                              Re: Amira Elsheikh بطلي الغاغا............... هلالنا مية المية ساميه حامد04-03-11, 11:50 AM
                                                                Re: Amira Elsheikh بطلي الغاغا............... هلالنا مية المية ساميه حامد04-03-11, 11:55 AM
                                                                  Re: Amira Elsheikh بطلي الغاغا............... هلالنا مية المية ساميه حامد04-03-11, 11:58 AM
                                                                    Re: Amira Elsheikh بطلي الغاغا............... هلالنا مية المية ساميه حامد04-03-11, 12:02 PM
                                                                    Re: Amira Elsheikh بطلي الغاغا............... هلالنا مية المية معاوية عبيد الصائم04-03-11, 12:10 PM
                  Re: Amira Elsheikh بطلي الغاغا............... هلالنا مية المية حاتم عثمان04-03-11, 11:52 AM
                    Re: Amira Elsheikh بطلي الغاغا............... هلالنا مية المية بهاء بكري04-03-11, 12:21 PM
                      Re: Amira Elsheikh بطلي الغاغا............... هلالنا مية المية ساميه حامد04-03-11, 02:45 PM
                        Re: Amira Elsheikh بطلي الغاغا............... هلالنا مية المية ساميه حامد04-03-11, 11:32 PM
                          Re: Amira Elsheikh بطلي الغاغا............... هلالنا مية المية willeim andrea04-04-11, 00:33 AM
                            Re: Amira Elsheikh بطلي الغاغا............... هلالنا مية المية ABUHUSSEIN04-04-11, 06:22 AM


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
 اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين 		News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de