عايزه رأيكم بصراحه فى هذا الأمر

الاخت بنت الاحفاد

لك التحية والتقدير

اولا لغتك ما اظن تكون اكعب من لغتي ومع ذلك ما قاعد اشتغل باي شخص البفهم كلامي بقول ليه الحمدلله المابقدر يفهم كلامي بقول ليهو ربنا يكون في عونك وزوغ بعيد من كتاباتي

الشيئ التاني ان درست في السودان ورغما عن ذلك في الشهادة السودانية درجتي كانت 51 يعني قربت ادق الدلجة بالسوداني الفصيح ومع ده ما شغال بالناس الشغلة, الصحح لي اخطاءي بشكرو والقلة ادبو معاي كمان ما بقصر معاهو, اصلا لغتي تعابنة يعني الكلام لو داير اقولو صاح بمرق غلط فمابالك لو داير اسمع زولا كلام كعب

ثالثا كتاباتك بالنسبة لي زي كتابات المرحوم البروفسر عبدالله الطيب فواصلي والله يحفظك

رابعا المنبر ده زي السوق الواحد بلقى فيهو السمح والشين ونحن لمن نمشي السوق بنفتش للدايرنو لو لقيناهو بناخدو ولو ما لقيناهو بعد التفتيش اكتر من مرة بنقول للناس سوقكم ده مافيهو حاجة تاني ما حنجيهو