الأخت بنت الاحفاد
اطالع ما يكتب في هذا المنبر وقليلا ما أشارك ,,, لا أقرأ لكاتب معين ولا تهمني الأسماء في كثير أو قليل ,,, حسن النية يفرض على ان لا أحمل الكلام اكثر من ظاهره ,,, ان يكتب العضو بلغة فصيحة أو بلغة ركيكة لا يعنيني في شئ ,,, حتى لو تعمد الخطأ في الكتابة ,,, ولكني لو خيرت لفضلت الكتابة الفصيحة او العامية السليمة ,,, عامية الشمال او عربي جوبا لا يهم ,,, الذي بهم هو ما يكتب ,,,اللغة الغالبة هنا هي العربية وبعدها الإنجليزية ومن اراد ان يكتب بلغة أخرى فلا غبار عليه ونرجو ان تصل فكرته لأكبر عدد من الناس
اما ما يخص كتابتك فهي افضل من العام السابق وهي واضحة ومباشرة
----------------------------------------------------------
بنت الاحفاد زمان كنا كل فترة نسمع انك حتتركي البورد والتحانيس تقوم ,,,, نجي تاني نلقاك رجعتي وتاني التحانيس تقوم وكنا بس نتفرج !!!!!! الكلام البنتكتبو هنا يمكن يقعد الف سنه في الانترنيت ,,, يعني حتى كلام الونسة ده يقعد سنين والزول القالو يموت واولاده يموتوا ,,, الأنترنت ما بتنسى زي البني آدم ,,, مرات افكر في الموضوع ده القا ابعادو كبيرة ,,واقول تاني ما ح اكتب كلام فارغ ,,,تاني يوم القى نفسى اكتب كلام فارغ ,,,,,,,, عارف انو مفروض يكون في نوع من المسؤولية في الكلام البنكتبو هنا,,, يعني لما اكتب بغض النظر عن اللغة البكتب بيها مفروض اكون عارف اني ما ح أقدر امسح الكلام الكتبتو ,,,,, الناس البمسحو بوستاتهم فاكرين انهم مسحوها خالص !!!!
اعتذر للجميع عن الكلام الذي كتيته تحت الخط المنقط والكلام الذي كتبته فوق الخط المنقط والكلام الذي كنت اريد ان أكتبه بين نقاط الخط المنقط ولم استطع كتابته ,,,,وارجو ان لا تحاول اخي القارئ قراة ما بين السطور ان وجدت
الكلام بين السطور على مسؤولية كاتبه
|
|
فيس بوك
تويتر
انستقرام
يوتيوب
بنتيريست