الأمة القومي لم يتحالف بعد مع المؤتمر اللاوطني !! إعلان ثم تحذير:-

Quote: الحبيبة لنا مسكاقمي دخلت من الصباح لقيت الدنيا مقلوبة في المنتدى لقيت جلغمية بوست مفتوح وهجوم على حزب الامة والبعض تعدى الحزب وتلفظ بكلمات وجمل غير محترمة على السيد الامام .. انا كنت حاكون مبسوط لو في شيئ حصل هو مجرد مقابلة للبشير يعمل الجوطة دي كلها ... طيب انتو كنتو قاعدين معاهم في البرلمان واعضاء فيها وشاركتو . يا الحبيبة لنا ... انا فرحان جداً تعرفي ليه عشان مجرد لقاء بين السيد الامام والبشير خلاهم يفتحوا الكمية دي من البوستات ... وان دل هذا انما يدل على ان حزب الامة رقم كبير بل هو السودان وأمل الامة وأنا اطمئنكم يا سادة يا كرام .. حزب الامة القومي كما عهدتموه سيظل على العهد والشرف وليست هناك مشاركة ولا اتفاقيات ثنائية لمصلحة الحزب ولن يتم تحالف مع النظام ولو كان الحزب يريد مشاركة لشارك قبل عشرون عاماً فاطمئنو . فحزب الامة وكل المناضلين متفقين على الحد الادني وهو ذهاب هذا النظام وعودة الديمقراطية والحرية والتداول السلمي للسلطة ايها الاخوة والاخوات المرحلة صعبة وحرج وحساس فساعدونا بالكلام الحلو والالفاظ المحترمة والموية الباردة