طائر الشؤم.. باقان

Quote: لع يا محمد فرح... لع! وليد جا هنا ووقف وقال مخيخو العالي خزن ليهو أبيات وما قال إنو نسى يكتب المصدر.. أو حتى إنه يشير إليه ونفى إنو العملو ده سرقة وتعدي على حقوق الآخرين تفسيرك يا وليد للحصل ده بجد مضحك... بس ما بيحلك سرقة بيت شعر ما بتفرق من سرقة أي بيت في الحلة أو سرقة شعب بدر الدين سرق وإعتذر.. طلع إعتذاره زاته مسروق أنا دخلت مرة على واحد من المنتديات ولقيت واحد جايب كلامي وكاتب: "نقلاً عن بوست للأستاذ محمد يسين خليفة بسودانيزأونلاين!". تعرف الزول ده فرحني وحسسني بأنه الكتابة هنا لها قيمة ولازم نحافظ على مصادر معلوماتنا لأهمية ذلك في التوثيق فرجائي تقبل الإتهام (المؤكد) بصدر رحب، لأنه بيوريك الخطأ وين والصاح وين وبيديك فرصة للتراجع ولحفظ حقوق الآخرين الذين إنتُهكت حقوقهم بعدم ذكرهم وكان ممكن لو نسيت إسم الكاتب أو موضع الكتابة إنك تشير ليه بـ "قال القائل" أو بكتابة: "نقلاً عن" أو وضع المنقول بين [.....] حتى بدون أسم أو إشارة لمصدر دعونا نكتب ونوثق ونفيد ولنختلف فكريا أو سياسيا أو مذهبياً.. ولنتفق في حفظ الحق الإنساني ولنخلده للتاريخ ............................ سلامات يا جورج ومشتاقين يا عزيزي الفاضل صفحة سودانيزاونلاين دوت الفيسبوك