نريد جالية بماليزيا حرة , تكوين جالية يودي الي تساخف و تنابذ و شرطه ! (صور).

Quote: رفضت الجالية من قبل فقط لان البعض اراد تغير دستور الجالية وادخال الطلاب فيها ولذلك انسحب الجميع....وليهم حق و اثبتت الايام حنكتهم واستشرافهم للمستقبل يخرج الطلاب من الجالية دا شرطهم الاساسي كان في ذلك الوقت.. وعلى العموم في ماليزيا غالبية الناس في حالة شغلة شديدة والدوام طويل جدا ناس الجامعة الاسلامية ترعاهم الجامعة الاسلامية ناس بتروناس ترعاهم شركة بتروناس ناس الخطو ط الجوية ترعاهم ادارة الخطوط الجوية واذا حصلت حاجة اجتماعية موت ولا مرض الاصحاب بتلموا حولك من اهل السودان او خارجه.. في ناس هنا بساعدوا الكل سخرة ساي ولذلك ما محتاجين لجالية اصلا.. ودكتور صبير زول مشهود له بخدمة الناس وهو ممن قيل عنه قال رسول الله (ص) هناك عباد اختصهم الله لقضاء حوائج الناس الخ الخ بدل عربات الشرطة تجي السفارة وتقبض سودانين وتجيبناالجرائد مافي داعي لاي جالية..من اصلو وعلى الطلاب الالتفات الى دراستهم التي اتو من اجلها وما منجزنها تماما في قانون جديد مقترح لا يعطى لطالب المستوى الجامعي اكثر من 7سنوات لانجاز دراسته ولا يسمح بالتحوبل من جامعة الى جامعة الا بالرجوع الى الدرجات ولازم التراكم يكون 2 وما فوق يعني كل ماتسقط تغير دا تاني مافي حيكون وطلاب الماجستير 4 سنوات وطلاب الدكتوراه 7 سنوات القانون دا لو تمت اجازته الرماد كال حماد. ولذلك لا جالية حرة لا غير حرة ما عايزنها مع التحية لدكتور شهاب