|
ياخالد..لا
|
ياخالد معقوله لكن .؟؟دا وقتو
مالك يالدن ياخ...ويضحك ضحكتوا المميزة
مابعمل ليك شاى جننتنى بالشاى ياخالد
يازوله انا جبت ليكم شاى وسكر وصابون ويقعد يضحك...(شيله دكان)
تمشى تسوى الشاى من سكات..
يازول شيل حاجاتك دى وامشى سوى الشاى براك..واطنشو
يرفع صوتو عشان امى تسمع ...يالدن ما تعملى لى شاى
وانا اقول ليهو ابيت..
امى تكورك فينى...عيب عليك الكلام دا
ياامى خالد جننى بسوى الشاى دى..انت عارفه خالد شايقى شاى
ويقعد يضحك فينى وانا اطنطن واخش اعمل الشاى..
ماكان بشبه زول..مميز فى كل شى ..ضحكتو ..ريحتو ..مشيتو
لما اجى البيت بشم ريحتو اسال امى ...خالد الحاج كان عندكم الليله.؟؟
ماشفتوا غير لابس بنطلون جنز...او كوردولايت فيما ندر جدا
شال مابيفارقوا دايما فى الشتاء...
عندو موتر جميل (بلو)
بجى داخله النادى بعاين اول شىء موتر خالد قاعد ولا لا
وامشى على صاله البلياردو طوالى اشوفو عشان اسلم عليهو
ولو لقيتو مافى اقعد اسال..خالد الحاج وين ..؟؟
ماعارفنو والله طلع اسى...انا عارفه بكون وين ...امشى البوفه الاقيهو بشرب
فى السحلب ويشوفنى يقعد اضحك ..وينادينى تعال تشربى معاى سحلب؟
اقعد معاهو نتونس وفجاءة يعاين فى الساعه يابت قومى ارح على المذاكرة
عشان اشرح ليك وترجعى البيت بدرى وانا حاجز لى قيم بلياردو ما يفوتنى
مهيرة ونهله جو ولا نبتدى برانا...اقول ليك حاجه نبدا وهم بجوا يحصلونا
|
|
|
|
|
|
|
العنوان |
الكاتب |
Date |
ياخالد..لا | لدن جعفر | 02-09-11, 09:00 AM |
Re: ياخالد..لا | النذير حجازي | 02-09-11, 09:41 AM |
Re: ياخالد..لا | لدن جعفر | 02-09-11, 09:52 AM |
Re: ياخالد..لا | Tabaldina | 02-09-11, 10:14 AM |
Re: ياخالد..لا | omer osman | 02-09-11, 10:37 AM |
Re: ياخالد..لا | عاطف عمر | 02-09-11, 10:44 AM |
Re: ياخالد..لا | محمد عبد الماجد الصايم | 02-09-11, 11:42 AM |
Re: ياخالد..لا | ساميه حامد | 02-09-11, 11:52 AM |
Re: ياخالد..لا | أبوعبيدة محمد الأمين | 02-09-11, 01:33 PM |
Re: ياخالد..لا | doma | 02-09-11, 01:50 PM |
Re: ياخالد..لا | معاوية عبيد الصائم | 02-09-11, 02:55 PM |
Re: ياخالد..لا | خضر حسين خليل | 02-09-11, 03:15 PM |
Re: ياخالد..لا | Elawad | 02-09-11, 03:47 PM |
Re: ياخالد..لا | Amani Al Ajab | 02-09-11, 03:55 PM |
Re: ياخالد..لا | لدن جعفر | 02-09-11, 03:50 PM |
Re: ياخالد..لا | عادل الباهي عبدالرازق | 02-09-11, 04:06 PM |
Re: ياخالد..لا | لدن جعفر | 02-09-11, 07:08 PM |
Re: ياخالد..لا | عبير خيرى | 02-13-11, 09:01 PM |
|
|
|