ناصر وكل من يناصره!

ود الصايم:










ود الصايم ما تعد لينا المتضايقين
والزعلانين
تعرف الموضوع شنو؟
ما طريقة الكتابة
لكن حكاية الحقيقة مرة
لازم تقابلها بي صرّة
مهما كانت مقنعة أو مستهرّة
(طبعاً مستهرّة دي حتخلي ناصر يمشي ويجي
ويقوم يلف، وتاني ياخد لفة)
غايتو







يا ولدي كلمة بتكون في العضم
وواحدة بترمّ العضم
وتزيد فهم
وواحدة ما تزيل البلم
غير تجيب أحم أحم
وكلهن تسكت تخم
ما الله قاسمهن قسم
مكتوبات علينا زي وسم
نشربها زي سم مبتسم
وحليله داك سيد الاسم
لما يرسمهن رسم
تغشاك زي عطر النسم
والله ياسيد الاسم
غلبتنا وذاته الرسم
اللي صار مع العنوان يسم
وما يتفهم
وياريتو لو كان بي نغم
أو جانبه قلّ الفهم
واللا انبهم
دايرله فهامات غشم
شان ينبرم شنبه الأصم
يفرد جناحه وينقسم
ويا دنيا كم فيك انظلم
من حب يزود للفهم
لكنه مسكين انظلم
من زول غشى وادي الظلم
عبّ وشال كل الظلم
عباها وديان الظلم
غطّاها نوارة الفهم
دبلت عديل من الظلم
ما شافا أظلم من ظلم
ولا شاف عواره واحتشم
ولا احترم أو التزم
وينها الشفافية أم حكم؟
والسؤال ليك يا ناصر
لساه في وفي عشم