|
Re: التقنية المحلقة فوق رؤوسنا .. حتى متى؟؟ بقلم: محي الدين يحيى أبو بكر محمد ... (Re: سيف اليزل برعي البدوي)
|
العزيز سيف تحية طيبة كنت بصدد الاشارة او الكتابة عن موضوع التقنية ولكن انشغال يجعل اليوم ( ابو 24 ساعة) لا يكفي ولذلك اكتفي ( بالمتاوقة ) ... السبب كلة في حكومة السجم والرماد دي يعني اسي في السودان في شراء وبيع ببطاقة بنك ؟ ياخ والله حرام الناس تعاين في التلفزيون ما فاهمة الحاصل شنو ؟؟؟ الحكومة دي لازم تغور لمصلحة البلد والمواطن .... ابسط حاجةة طلاب الجامعات انا ما عارف لكن متأكد انو مافي جامعة سودانية عندها موقع بحيث انو الطالب يدخل من النت ويشوف المقرر ويسجل للسنة الجديدة ( ولو عندو بطاقة بنك ) يدفع الرسوم .. وكمان لو المكتبة عندها تواصل مع جي ستور J store اي بحث ولا مقال عاوز يكتبو الواحد بلقا مراجعو زي الترتيب بس يكتب راس الموضوع .... الناس دي دمرت المواطن وخاصة الشباب عايشين حياة بتاعة القرون الوسطى وما وصلهم من التقنية الا قشورها ... وكلو ليه ؟ لآنو الحكومة عليها حظر ما ممكن تحك راسها الا باللفة بتاعت ( راس الرجاء الصالح ) ..... والله اخوي في الجامعة ( في السودان) بسالو عن الحاجات الفوق دي زي الكانو قلت ليهو طلاسم لمن اتغقدت من روحي وسكته ... الحكومة دي لازم تغور وباسرع وقت عشان الناس دي تنفتح على التقنية وتشوف الدنيا على حقيقتها ...
معليش على الخرمجة نعساااااااااااااااااااان لكن موضوعك شجعني اكتب عن التقنية الضائعة على بلد اقل ما يمكن وصفه ( ما محظوظ ) .
تحياتي لك وللاسرة اسامة
|
|
![Edit](https://sudaneseonline.com/db/icon_edit.gif)
|
|
|
|