الغربله مطلوبه و ضروريه حتى يتصحح مسار الجبهه الوطنيه العريضه

Quote: الأخ العزيز معتصم.. سلامات في الأول دعني أأكد على بقاء ودوام الود بيننا! الحاجة التانية... أنا فعلا حزين ومصدوم لما قرأت لك وللسيد الصادق.. فما قرأت (وطبعاً شدني العنوان) كلام كبير وفعلا بيوري مقدار إلتزامكم بأهداف ومبادئ الجبهة الوطنية العريضة والجاي الصادق هنا فوق يقول إنه ما إلتزم بيها وما وقع على ورقة ولا حلف قسم الولاء ليها..وأنت وأنا وبقية الأخوان في نيويورك كنا نعول على بعضنا البعض في قيام كيان لنا نساهم من خلاله في الجهود المبذولة لتنفيذ وتحقيق الاهداف التي إجتمعنا لها داخل هذا الكيان وطبعاً المشكلة أني كتبتا مداخلتي الطويلة والعريضة الفوق دي بأسلوب الزول الحزين والمصدوم في أصحابه الإتعاهدو مع بعض لعمل حاجة ويجي يجد تخازل وروح إحباطية من إتنين متلكم عشان مشكلتهم إنو في إتنين أو تلاته إتحادية في لجان الجبهة وتم تعينهم لأسباب غير معروفة لديكم.وده طبعاً غلط... وغلط كبير جداً في حق التنظيم الأنتو كونتو شغالين في إنشائه وتم تنويركم في عدة مناسبات بأسباب ومقومات قيامه المعروفة والمعلنة. يا معتصم ويا الصادق كلامي الفوق بيتفهم لو قريتو كله على بعضه... وأنا تعمدت كتابته بالطريقة دي عشان ما في زول فيكم يقدر يرد عليهو.. لانو بصراحة ربنا أنا ما عاوز فيكم واحد يجي يناقشني في أمور تنظيمية هنا في النت وفي صقيعة الله الوسعة دي. أنتم الأتنين أعضاء في تنظيمات مؤسسة وإنت بالذات (خليك من الصادق) تحتل منصب في تنظيمك الثوريولا أعتقد أنك ستسمح بمثل هذا العبث ومناقشة أمور تنظيمية وفيها أمور حساسة بهذة الطريقة اللهم إلا إذا كنتم عاوزين تبقو متل تراجي ومصطفى محمود وإبراهيم أحمد إبراهيم الجو ونشروا حتى الأيميلات والمذكرات الداخلية وأسرار كان يجب عليهم الموت دونها. وقسماً بالله ده لو حصل لزول في الميدان كان عقوبته تكون معروفة بعد محاكمته ميدانياً وممكن تسأل الاخوان في الميدان عن عقوبة المتمرد البكشف أسرار شنو؟ يا أخي الناس بتختلف، وده لو كان أساسا في سبب للخلاف وبتتفارق بهدوء بدون نشر أسرار البعض وأسماء الرفاق شر غسيلهم النضيف وكتابة هذة الامور تعني أنكم ستفقدون المصداقية في تعاملكم مستقبلا... يعني لمن تجيب أسماء أعضاءاللجنة التحضيرية لهنا فدي هدية لأجهزة الأمن البتحاول بقدر المستطاع إنها تشمشم.. ونشر الغسيل ال###### بيدي آلتهم الإعلامية الكانت رايحة في إنها تستخدم عوامل ومناطق ضعفنا وتضربنا بيها. أها النتيجة بدل ما تكون غربلة وتصحيح... فحا تكون هدم وتدمير كامل وذي البعمل فيهو شوقي بدري؟أنا حضرتا إجتماعات كتيرة في حياتي وما شفتا ليا زول بمرق بحرف منها وحتى لو ما كانت سرية فما بالك بزول يمرق لأول كشك تلفونات... ولا للنت؟؟ اللهم أعنا على أعدائنا وأحبابنا وأصحابنا.... ورجائي عدم الرد على هذة المداخلة