عبدالفتاح ابو شيمة ...... سؤال واحد بس !!!

متين دا علي
يكبر يشيل حملي
ياهو علي الخلاّه علي دخري
تعرف يا الجعلي
عندي ولد مسميه علي
وأتمنى أن يصل إلى مستوى المهندس الشهيد الله يتقبله
إنت وكتين عندك شعر يا علي
مالك داسيه مننا
كلامك دا جميل والله
طموح شديد خالص
كونك عاوز تصل للقمر
-
طيعاً يا علي صحبك اللي بكتبه دا ما هو شعر
إنما بكتب حاجة بسميها هو الجلمنتوش
يعني بدخل توش
من دون ترميم لي أي وشوش
ما بهتم لي قافية أو أي رتوش
بحاورك في الكلام القلته ذاته
بي حاجة كدا لا هي شعر ولا هي نثر
مرات تصدف ومرات بتخيب
لكن كلام بيكون حبيب
لي قلب شايل وجيب
فبعد ما زولي دا يجي يورينا القصد
نخش معاه بالجلمنتوش
وإنت ساعدنا بي شعرك المهبوش
في وادي عبقر ليه عروش
أنا عايز بلدي زي ما كانت بطل
فوق كل البطولات ترجع تقدل
يرجع موحد بالأهل
ما بي دخول أو داك تدخّل
أو حقد من ناس نست الأصل
كل تاريخنا نسوه فصل فصل
--
عايز أكون بس غصن زيتون
قبل ما يجينا المنون
-
عايز الحوار بين الهظار
والجد من دون كجار
حتى في جدهم ما يفوتوا دار
-
عايز الحوار يكون شايل اسم
سودانيز أون لاين
زي ما بتلاقيه الحوار
زي ما الأرض بتلمّنا
من دون كجار
والمناسبات الكتار
عايز السما
تبقالنا بس زي أي دار
-
أنا عايز أقول الحب جوار
بيجير كمان أكتر من البسمة التضوي
من زول بشار
بي بليلته ديك
يكون ضابح خضار
ومع الدواجن كل بقار الدنيا
بس واسعاه دار
تسع الذين والما الذين
والقادمين والذاهبين
واللي بكرة جايين
كل البشر متوالفين
--
أنا عاوز أوصل للقمر لكنه ديمه بعيد وعالي
قلت داير توصل للقمر
حتة واحدة بي ضربة قدر
ما لو ياخي ما إنت حر
وما يكون بعيد
أو يبقى عالي
ما الهمة برضو فوق للعلالي



علي الكرار

يا أخي شرفتا بوست الراجل

على بال ما يجي ونعرف منه الحاصل


أقول ليك يللا إنت جيب شعر

وأنا علي با لجلمنتوش

بس المشكلة جهازي في البيت عطلان إلا ألاقيك بكرة إن شاء الله