أستاذي الفاضل الحب

Quote: Quote: كيف تقول ايامنا راحت وانتهينا؟..... معا بالحب يا حبيبنا نواصل في البحث عن الأستاذ وعن جنوده البواسل وأسمائه وصفاته مازحين وساخرين واصلت في تحليقتي لما وصلت للمصيف القطبي فنزلت وجدت رما من يدلني على من سألت أيا هوى أسأل عن أستاذكم هل رأيت قولي له في أيما تعريشة سكنت فلتبن لي إني تعبت إضافة إلى أني هممت بجلسة صغيرة على قمة في القطب إلا أنني لسعت فالقمة كانت باردة ذهلت كأنما هناك ليلة لاذعة الصقيقع لم تصلح معها معالجات التدفئة وسائر أغطية الصوف وشالات المبيت لكنه أبي أن يرد علي فسألت يا هوى أما ترى لحالتي التي صارت تحنن العدو الصديق هل رأيت أستاذكم المعلم الذي يسمى الحب تقافز الهوي كأنه جنية صغيرة في روضة يغني فذهلت أما الهوى فذاك ميّل وانزوى في خلعة أرهبوه بها قام ركب الهوا حارقاه ديك نار الجوى الجايي في دربه سوى والوحدة مسكينة اللي كانت تقول سوا سوا طلقولها نيران في الحشا قام هج لي أبعد مدى ها جننتك الوحدة إنت كمان آناس يا بشر أسوي معاكم شنو؟ طيب وين أروح؟ قال أنا مالي والهوى خلينا بس نلعب سوا في بنية اسمها صبوة كان ما نايمة فيها الصحوة يمكن تديك الفتوى ووين ألقاها دي كمان يا زولي الهوى قال لي طير ساي في طريقك دا عدي المسافات والكوى لما تصادف شفع زهور قاعدين سوا وما متلمين ناسك النحل ديل قلت كدي أحاول ولو إنو الظن إنه النحل محل ما أمشي ما بلقالا حلحتى إن مشيت التاج محل برضو تلقى الأهل قاعدين هناك من غير أمل الصبوة ديك خلوها لي ناس التصابي في الهوى ناساً عجائز بيعانوا من الالتوا في فكرتم عن صبوة وفارقت درب تقوى قال عايز يمرق يتهوا من حبسة سجنا في قبوة من الولية والهوى يمكن ألاقي لي هوا حتى إن جاب لي الكلام دا كل الهوا ياصبوة هوي يا صبابة وين ألقاك أنا سنة يا أنا بقيت مبشتن في السما ما بهمني كان في هوا وللا المطر ظاتو نقرش روى لي ناس عطاشا للهوى راح زاغوا وصلوا بعيد هناك وقريب كمان لي خط استوا وقليبي ما تب استوى وقققعدت اسال وين ألقى ديك الصبابة يا أنا وين يا أنا الصبابة: أما دي نارا بس قول ياحبابا شي شعر قول انكبابا زي شغل ناس يمة يابا أو نقرة لي سلك الربابة كان زعل عاد قول خرابا قول كترابة هوي يا شبابا والعذابا وا عذابا دخلوا غابة ويا معابا نظرة لي قلب السحابا لا ما يلقاها سرابا وقام يشتّم عابا عابا يتفك من ظلم القرابا منّهم آه وا عذابا منه دا اليتصابى لا بقول لي شعرو شابا ولا بوقّر لي صغارا أو شبابا شايل في بس درب الحرابا شابك غنا وشيتا شرابا لخبت عديل لي لبسو كان جزمة وشرابا ما قلنا ليك هو يتصابى قلت له ياخي مالك ديمة عايش هضربا ما تدلني أو فكني عكس الهوى يمكن ألا قيه الهوى أو حتى دُلني علي رهف أو ديك البنية بت شغف الشغف؟ آي الشغف ديك بت شغف قالوا شايلها الرهف وجسمها يوت تلقاه ضعف بقى ديل تبع حرف الولف داك القالو عقله خف وخف زمانا داك الزول وقف واتحير تمام لامن وصل حد الخرف بقى زول زهايمر مختلف حالف يمين يقيف ألف حتى إن حرموه من حق الوقف شفتو زول داير يرث ليه وقف ياخي ما خلاص شان يختلف لازم يكون داك عقله خف اهرف آزول عينك ترف وتقول أها عيني بترف وأكيد حيجيني الولف وإنت دا مهما وصف ما بتلقى زول واقف ألف وعارف تمام حق الولف كان شغف أو بت شغف كلكم دايرين لغف ما توروني يا ناس بالوصف السموه داك المقة المنقة لون المنقة يا لون المنقة لا لا ما المنقة دي ما أغنية بنات طلسم قت ليك المقة المقة المقة المقة المقة ما نحن بنلقى المقة المقة ما دايرا النقة دا حباً حساس قايم بي شفقة وأجمل الغنيات ديك لون المنقة لو داير جد أحسن ما تبقى لو إنت بقيت نارك بتبقا وتبقى في سين جيم وتطلع حقة تضرب كفين والدقة بدقة والله إن تبقى داير تسترق ما يدوك وش ولاها بنقة ياخي توهتونا وفقدتونا الدقة وكمان الحق دوّر دوّر لامن تلقى ديك ناس وجدا الوجد وجد الوجدان تلقاه في وجدة حب لمتصوف بي نار موقدة تتشعلل أفكار تسخن أوتار لامن تتقد يسأل ويقول وين راحت عدة هو أصلاً في عدة وكمان بتعدة لكن بي ناساً عندها رؤية وحدة سافر لهناك لي بلد ناس وجدة في الطائف وجدة وديل مدنا نقلوها بي حدا هنا للخرطوم زي أمم متحدة تسموا في شيتاً من دون ما تحدّه كان في الأفكار لما تكون متوجدة أو ديك أرواح فيها المتواجدة وتوصل لي اصطلام ومودة فيها جدّة وجدّة جيبلك كونسلت وفتش لي صلت يا هو تبقى وصلت الصلت؟ الصلت! الصلت؟ هو شنو كمان الصلت؟ ما بتعرف صلت يبقى ما وصلت حتى ولا حاولت ياخي دا شيتا خلط بين مشاعر فلت وشي معبأ بلك يعني خلطة عملت زي المنشار مش برشرش سلت جمع من ديك ولما توقد نار وتكون صنفرت لي عروق الفلت وتخلط من تاني مع محلول السلت يطلع ليك صلت جايز وممكن تكون إنت وصلت أو لي كهربتا تكون وصلت وتربّطه بلت لين قالو لك يا زول هبّلت تمرق فللي وتفتش لي تيم مش حق الكورة لا بالفتح البعده المسكون تكون سهلت لي درب سؤالك وتكون دا سألت التيم التيم التيم التيم التيم التيم التيم بلقاه في الديم وفي حجازي سألت مشيت لي حجاز وأكلت أمباز مشيت عمارات ومنشية البكري ومقابر بري وعبرت الكبري التيم شفتو يا أهلي البدري يا بت البدري لو قمت بدري فتشتي معاي يمكن ما تحري ويفوتك داك قطراً قام بدري عند ناس البدري والحواري في بحري في دمي بتسري واسأل في القمري والطير والعصر وكل زول مقتدر وروني التيم كيفن يتقدر وروني أوصافه وأي شيتاً تدري قال لي اسأل العشق يمكن يدري ويحل لي حالك وتحل مشكلتك جايز من بدري بدل تلف في الكون زي عامل فقري وعمال تستجري على خلق الله يا شايل وزري ووزر الجايين والفاتو بدري هو أنا ذاتي عاشق وعاشق من بدري أقعد افتش للعشق عشان إيه يا صدري ويا الجو فؤادي معشعش من بدري العشق العشق العشق العشق الصدق الصدق الصدق قالولنا داير العشق خليك في الصدق و العشق الصدق و الصدق العشق والعشق الصدق العشق لو إنت داير الصدق تلقاه في العشق الصدق ياخي خلبطتنا وبقينا نشفّق ولونا زي لون الشفق ياخي استفق وشي اشتفق وما تقعد تدقق ودقيقنا ذاتو اتدقق وقلبنا اتدقدق لامن قال ليك يازول ما تتدفق وتقعد تتدردق زي الدقو بي مدق وعجنوه مدقق وقالوله اتدردق ياخي ما بهدلتنا دا هو حب وللا هوى أم شغل بس حق زول غوى مامنه تب من ارتوى وديمة بايت في القوا شوف لينا شيتا غير غوى زي اللي فيه شربة بس حقة دوا حرام ياهوى توديني لي درب الجوى أيوة الجوى براك جبتها فتش عديل لي زول نبيل اسمه الجوى عل وعسى تلقاه عنده دا الدوا فتشت كل الصيدليات والصيادلة الفي الهوا كمان نزلت داك التراب بي كتاحته شان الجوى سلقط ملقط ما اختفى وغادر وساق معه الجوى النار دي موقدة بلا جوى كيفن كمان ألقى الهوى قول يا جوى وللا كمان أفك ليك صاروخ أرض جو عشان تقول هوى علي وزاد النار جوى أها قت كيف هو يا جوى ماترد علي تلقى النوى إن شا الله وما تلقى لا تمر ولا نوى قال بس عرفت صاحبك جوى للحج نوى الله يعلم كان يعود أو بالجوار يبيع نوى وشوية مساويك للغلابا اللي جايين يحجوا لي درب الهوى هوي يا الجوى جوى جوى جوى أنا قلبي انشوى وأنا بي وراك هوي يا الجوى داير الدوا قال لي ما عندي الدوا دا عند زول هناك هناك سموه زول الولف أمشوله ما أظن يختلف معاكم أو يستلف شي من مشاعركم ألف أحمر لا بدور ولا بلف يمكن يوريكم درب الدنف الدّنف الدّنف الدّنف إنتو عساكركم ليه كتير فاضوا لي من فوق فوق الكتف أسماء دي ذاتا لو بحفظا ما كان كتبت لي كل حرف لامن ألاقيه الولف مش دا الدنف الرافعلو فوق كمين أنف وعايف أنف ويقول لي نف هو طابور صباح وللا مارشات للوقف وللا النظام والالتزام واقفين دا صف ياخي حيرني ذاته دا الوصف يا ولي ياخي ما تخلي الرجف وتجيبو لينا البقول بكتب حروفه حرف حرف أنا دا الغلبني الدّنف لا ليه معنى ولا وصف ولا حتى فيه حرف الوقف وللا كمان على قول أخونا قوم ولف الدّنف قال يا للاسف كل الملف وما ألقى زول يدلني وأقعد ألف لامن مفاصلي بقت تنف أنا ذاتي جاتني النزلة والخوف والرجف وكان ما جبت لي ما بنختلف ياني خلاص بقيت مختلف وحأقعد ألفأ فتش للشجو وكل الشجن وأنادي لي ست الوجن عشان تجنني وتجن قال الوليد الشجو الشجو الشجو دا كمان شنو دا من هجو وللا الناس رجوا لاهم لقوا ولا برتجو الشجو شنو كمان ياهجو داير تبدا معانا كمان درب هجا وهجو الهجا دا لي ناس بتاتو فييي درب الهوى وبيرتجو لامن مشوا لي درب النجوع وما نجو غلب الهوى من تاني لي حب الوطن وبكوه بي طن من دموع شان يرجعو وقعدو يقولوا الشجو وشي من شجن وطبل ارجحن وخرب مطن وآه ياوطن الشجو فقد الحق والحقو وفضل يردد يا الشجو هوي يا الشجو ما قلتو راح تمشو وتجو ماله البروح ما بيرتجو والبنجعو ومهما كان داك الشجو حلو الشجو مر النجوع بملانا جوع شوف لينا شوق يكون فيه الرجا مافيه النشوق ولا فيه داك درب النشوق خلونا بس نرجع نضوق طعم الوطن والحب رطن وخرب مطن وشوقنا فات فوق وزن طن وقالوا داك الشوق بحر زي حظ بنوله كل حر والجو حر والشوق انتحر لمان فتر ركب البحر وتاني لي درب النجوع عبر البحر يا شوق بحر وينك حبيب صار لي مشيب وديني لي درب الحبيب دا الشوق بحر الشوق صحي جندي وحر لكن متين يوديني الوطن عشان من تاني ارجع واحن يمكن الاقي تفسير للهوى او القى استاذنا داك اللي اختفاؤة بقى زي قشة مر وغشة عمر وشي ما بسر والله يا بتي العمر ما باقي فيه إلا شيتا ما ليه قدر أديني بس الشجو أو حتى شوق الشوق عشان الشوق يسوق الشوق الشوق الشوق ونمشي للناس الغلابة عشان خلابة الخلابة الخلابة الخلابة؟ يا زول إنت بتجيب الحاجات دي من وين ياخي دي ما من عندي دي اسماء لغتنا لي أستاذنا دا الكايسينو من زمن الجهل زمن الضفائر كان تهل وتبشر وترمي لي شبال ضفاير كان زمان يعد زي مستصغر شرر لكن دحين بقت رجيم وشيطان رجيم ويقصر عمر وما نرجع لي زمن البلابل والزهر بلابل وزهر أوعك تقول البلابل برضو من اسم السنابل لي هذا الهوى وداك الجوى والشوق الشجو أيوة برضو البلابل واقفة صف ضمن الحروف البتشقى في درب الجمر وقول الشعر الحب بلابل يا زهر الزهرة مالا اتبلمت سكتت لا إحم ولا دستور البلابل البلابل البلابل البيغنو ديل؟ لا البلابل اللي بتطير ياطير إنت يا أمير ومش البلابل بس دي معاها التباريح التباريح التباريح التباريح؟ أيوة يا اللي شايلاك الريح وعمرك دا كله ما بتستريح لو ما جاتك تباريح الهوى وغنى ليك الأستاذ البشري يا تباريح الهوى آه يا هوى جننتنا والحب هنا ياخي واحد ما يدي لي فاتحتنا دي جكة حقة تباريح الهوي للأستاذ محمد ميرغني يمكن تلفق معانا ونغني ليها تجينا حتى كان التباريح ذاتا تجينا وتجننا وتجن يمكن تحن تورينا داك درب الهوى بودي وين ومتين ترجع الناس دي وتحن وتخلي لي درب المحن وترجع محنتا زي فنن يضلل الناس الوجن وترجع بلد زي ما كانت ويمكن أحن ونغني بس مكتول هواك أنا يا وطن ونغني مع عثمان حسين داك الشجن وجولتنا لسا مستمرة في كل حدود الكون وفي هذا الوطن بنتاتي للحب من أول جديد ونلقاه رطن بي كل اللغات بي أنواع علاقات ما بقن والله محمد هرون بي أسانسيره ما يطلع السلم دا قال فوق وجرى صوف وين يا خال الزمن بيك طال برضو ود الكامل وكل الأحباب أما بتّي طيّييييب ويد تمسك بأصبعها الإبهام وتقول يا سلام يا عوض دكام الله يرحمه