كدا دا ووووووووب؛ وكدا دا كاااااااك

أصلو في رجال
بيتعنتروا علينا ويشيلوا حال
قالوا ساكين النضال
والعيشة بس في الارتحال
ولما يفكّروا في الرجوع ينشاف مُحال
لأن ديك بتّي نوال
معصلجة وبتقول محال
أرجع أنا في ديكي حال
ومن أوّل جديد أصحى الفجُر زي ناس بلال
وأقعد أفتش للخُلال
عشان أمشّط شعري قال
وعشان أزور أهلي القُلال
أستنّى للأمجاد وحال
كتّاحة كيف وخريف وصيف شوف الدلال
والكهربا بالجمرة للواطيها قال
وأقعد أشجّع في الهلال؟
وكُرعي تِكتّح غايتو حال
والبؤس كيف عامل ملال
والمافي كيف يخرب لي كل بال