نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
|
 Re: حفظ السلام و تحسين النسل !! ، كاراكاتير (Re: مصدق مصطفى حسين)
|
نشر صدقي هذه الرسومات العنصرية والتعليق العنصري نفسه (تحسين النسل) في موقع سودان نت، وممن ردوا عليه، أعجبني هذا الرد لمشترك هناك اسمه كنارو
صدقي
أما إنك كوز وعارف بتعمل في شنو
أو أنك إنسان جاهل وفهمك فطير للأشياء وماعارف مدى جهلك أو خطورته
يعني شايفك بإصرار (أو جهل لو اديناك حسن النية) مصر تلصق بقوات الأمم المتحدة صورة القاتل المجرم البضبح في الناس. يعني عاوز بأي شكل من الأشكال تلصق مفهوم أن قوات حفظ السلام هي نفسها الجيش الأمريكي أو ما شابهه.
يعني هل إنت مجقلب مع المجقلبين من وصول القوات الدولية لي دارفور عشان كدة بتحاول تصورها بالبشاعة دي؟ يعني خايف مع الجماعة الخايفين على مناصبهم وقروشهم ومتخيلين إن القوات دي هدفها الأول والأخير هو قبضهم وتقديمهم للمحكمة في لاهاي؟ ولا إنت شايل دلوكتهم وبتدق في طارهم ساكت زي الأطرش في الزفة؟
التجاوزات بتحصل في كل جيوش العالم والقوات البتستخدمها الأمم المتحدة هي قوات مقدمة تبرعا من الدول الأعضاء وبحصل زي كل جيش وعساكر تضعهم في أي مكان مع مدنيين مستضعفين أن تكون هناك حوادث استغلال جنسي وسوء سلوك من العساكر
ولعلمك هناك شيئين: القوات المتهمة بارتكاب الجنس مع القاصرات هي قوات بنغلاديشية، يعني مسلمة، زي ناسك الانت بتدافع عن ضنبهم برسوماتك دي
الحاجة التانية إن ما تسميه الأمم المتحدة أو المجتمع الدولي اغتصابا هو بالمعنى القانوني الراقي يعني ممارسة الجنس مع القصر أو بالإنجليزي
statutory rape
يعني هو ممارسة الجنس مع الفتيات دون السن القانونية مقابل النقود ودي ممارسة رغم إنها محظورة قانونا فعلا وتشكل انتهاك كبير إلا أنها تحدث يوميا وفي كل مكان وفي سوداننا دا نفسه، ولو داير تفتش عنها أنزل لف في شوارع الخرطوم شوية
وبرضو الجيش السوداني دأب على ممارستها في كل مكان ينفذ فيه عمليات وبالقسر والإكراه كمان مش لقاء الفلوس
أما الاغتصاب بالعنف فأسأل عنه عصابات الجنجويد البتدعمها حكومة الجبهة والإنت عميان منها الزمن دا كله ما عملت فيها كاريكاتير وهي بتضبح أو بتغتصب
بعدين كاريكاتيراتك تنضح بعنصرية متعفنة فعلا وتنطوي على احتقار قبيح للضحايا الانت بتدعي إنك بتدافع عنهم برسوماتك البائسة دي. يعني حتى إذا افترضنا صدق تهمة "الاغتصاب" هل في رأيك العاجز العضير أن ذلك يمكن أن "يحسن" النوع في الجنوب؟ يعني كون الأجانب يمارسو الجنس مع الجنوبيين دا بالضرورة تحسين للنوع هناك؟ يعني جهل وعنصرية قبيحة زي دي ما في أشد منها. وبعدين جايب العساكر لابسين لبس شبه عريان في إشارة واضحة للأزياء الأفريقية التقليدية الانت بجهلك بتفتكر أن الجنوبيين بلبسوها، ويمكن عمرك ما تكون شفت الجنوب أو الجنوبيين هناك بلبسوا شنو! والأشارة واضحة إلى أن اللبس دا يعني أن من يلبسه لا "شغل" له كما قلت سوى ممارسة الجنس!!!؟
بئس الرسومات الضعيفة فنيا والفقيرة فكريا والمنحطة أخلاقيا
وبئس الرسام صاب هذه الأفكار المتعفنة
_________________
كاونارو
نشر صدقي هذه الرسومات العنصرية والتعليق العنصري نفسه (تحسين النسل) في موقع سودان نت، وممن ردوا عليه، أعجبني هذا الرد لمشترك هناك اسمه كنارو
|
|
 
|
|
|
|
|
| العنوان |
الكاتب |
Date |
| حفظ السلام و تحسين النسل !! ، كاراكاتير | مصدق مصطفى حسين | 01-08-07, 11:31 PM |
| Re: حفظ السلام و تحسين النسل !! ، كاراكاتير | eyes of liberty | 01-08-07, 11:38 PM |
| Re: حفظ السلام و تحسين النسل !! ، كاراكاتير | مصدق مصطفى حسين | 01-09-07, 10:14 PM |
| Re: حفظ السلام و تحسين النسل !! ، كاراكاتير | محمد هواري | 01-10-07, 04:32 AM |
| Re: حفظ السلام و تحسين النسل !! ، كاراكاتير | مصدق مصطفى حسين | 01-10-07, 10:02 PM |
 Re: حفظ السلام و تحسين النسل !! ، كاراكاتير | A.Razek Althalib | 01-10-07, 10:39 PM |
| Re: حفظ السلام و تحسين النسل !! ، كاراكاتير | مصدق مصطفى حسين | 01-11-07, 01:18 PM |
| Re: حفظ السلام و تحسين النسل !! ، كاراكاتير | محمد هواري | 01-11-07, 10:08 PM |
| Re: حفظ السلام و تحسين النسل !! ، كاراكاتير | مصدق مصطفى حسين | 01-14-07, 12:33 PM |
| Re: حفظ السلام و تحسين النسل !! ، كاراكاتير | هاشم نوريت | 01-14-07, 02:05 PM |
| Re: حفظ السلام و تحسين النسل !! ، كاراكاتير | مصدق مصطفى حسين | 01-15-07, 10:19 PM |
| Re: حفظ السلام و تحسين النسل !! ، كاراكاتير | ود الباوقة | 01-16-07, 11:22 AM |
| Re: حفظ السلام و تحسين النسل !! ، كاراكاتير | مصدق مصطفى حسين | 01-16-07, 10:26 PM |
|
| |
فيس بوك
تويتر
انستقرام
يوتيوب
بنتيريست