|
|
 Re: المفصولون للصالح العام ،،، كاراكاتير (Re: مصدق مصطفى حسين)
|
الاخ العزيز مصدق
تحرى لى جنس كلامى دا بخلينى ارجع تانى الشغل ؟
فياقة حريم
زادوها طين
الحكومة قايمة وقاعدة فى داب تخيفض المنصرفات ، قريت الكلام كمين مرة وقلت امكن بقيت بليدة ما بفهم ، الحكاية ما عدم فهم لكين اللغة بقت صعبة فى البلد دى ، كلهن بقوا يعنى ناس اضانك بى وين يا جحا ؟المهم انو ناس الحكومة قالوا دايرين يخفضو المنصرفات ويزيدوا اسعار الحاجات ناس بنزين وسكر وهلم جرا ،قادر الله فى حكمو!!!
المعنى يعنى نحنا ندفع السبعين فى المية والحيكومة تدفع التلاتين ، والله حكاية ، كيف يعنى ؟ ونحنا شن قدرتنا ؟ ما عمرنا دا كلو من" الاستغلال"لى يومنا دا قاعدين ندفع وما فى زول سوى لينا شيتانعيم نحمد ليهو جميلو ! اللهم الا فى مرات بالعدد ، لكين دا ما المهم المهم انو نحنا ندفع ليه سبعين فى المية من متطلبات الحياة ؟ هسى دى زى ما بقول المثل اكلو اخوان واتحاسبو تجار ، الحكومة دى فيها كم وزير ؟ خليك من البره فى الاقاليم، هنا دا فى الخرتوم دى ، كل وزير خاتين ليهو وزير معاهو ، يعنى لو عشرة وزارات فى تلاتين وزير ، فوق طين كم ؟ وزير واحد ما بكفى كان من الحركة ولا من الوطنى لزومو شنو البوبار فى بيت الايجار ؟ اها دا كوم ، والمنصرفات حقتن كوم ، قادر هو فى ملكو ، بالله الذى مشينا الاقاليم من الروصيرص لى نيالا ، مشوار قدر الضربة ، لقينا ناس بشتكو من المرتبات الما اندفعت ، وناس بشتكو من الموية الما متوفرة ، وفى الف حاكم ، حاكم بامر الله وحاكم مش عارفة ايه ، ومخصصات الدنيا والعالمين ، يعنى المعنى دا السودان كدى ، اغنى بلد فى العالم ، ونشيل ونتبوبر نحنا ونحنا ، ونحنا ما قادرين ندفع مرتبات الناس و عيشن اليومى ، دا غير الجوع الطاوى الناس وشوف عينى ما قال لى زول ، فى الشارع بين الدمازين والروصيرص شافع رفعت ايدى اسلم عليهو ، خت يدو فى خشيمو المعنى يعنى جيعان نان الدنيا ما مسخت على شقيش ما قبلت ، وبقيت متل المجنونة افكر فى الناس الزى الوليد دا كم ؟ كم بنصرف لتاهيلهم؟ وهل اصلا فكرنا فيهن ولا يانا قاعدين فى القصور نتبوبر ونتفوجج والناس جيعانة وعاطلة من تمرق من الخرتوم لغاية اخر بقعة فى السودان شوف العين ما كتلو غزال ، لكين شفنا الحال من هنا لى هناك ، ولقينا انو الحل ما فى التخفيض للتلاتين فى المية وعلى راى المثل ( جايين على روحكن كده ليه ما تخلو طيب )
المهم الحل ما فى التلاتين ولا المليون ، الحل فى الشفافية ، وروونا عديل انتو بتصرفو كم وكيف ومتين وليه بنقبل انشاءالله عشرة فى المية لكين طالما شغل ( ام غمتى دا شغال ) ما فى طريقة ينعدل الحال ، ولى سنة تلاته الف حالنا ياهو ببقى كدى وكان بقى عندنا بترول الدنيا ويورانيم الآخرة يا هو الحال نفس الحال ، عاد يا اخوانى امرقو النصيحة والدين النصيحة ، طالما انو نحنا ارتضينا نبقى ولاة على امة السودان حقو نبقى عادلين مرة واحدة ، والعدل اسم من اسماء الله الحسنى وامر بالعدل سبحانه العادل ، الرحيم ،تعالو نتشارك الهم مش واحدين نايمين فى العسل واحدين ماكلين الحنضل ، ما يانا كلنا اولاد تسعة ، وكلو زول داير الخير لاهلو ، ليه يعنى زى ما بتقول حبوبة حليمة الخيار والفقوس؟ وطالما انو ربنا فتحا علينا ما نفتحا على اهلنا مرة واحدة ، نقول دا مرتب شهر مكافاة عشان رمضان ولا عشان العيد ، ما برجع ، هدية كدى من الحيكومة للناس الداشرة الدم فى داب العيشة ، وحات ابو ادريس ان بقيتو سويتو كدى ، يعنى بتفوزو فى الانتخابات طب ، شوفو الناس دايرة شنو ؟ والله ما هن دايرين القصور ولا اليخوت ، دايرين السترة وراحة البال وصينية سترة طعام ، بس ، كتير عليهن ؟
|
|
 
|
|
|
|
|
| العنوان |
الكاتب |
Date |
| المفصولون للصالح العام ،،، كاراكاتير | مصدق مصطفى حسين | 08-15-07, 01:32 PM |
| Re: المفصولون للصالح العام ،،، كاراكاتير | محمد فرح | 08-15-07, 02:21 PM |
| Re: المفصولون للصالح العام ،،، كاراكاتير | مصدق مصطفى حسين | 08-15-07, 11:16 PM |
| Re: المفصولون للصالح العام ،،، كاراكاتير | محمد مكى محمد | 08-15-07, 02:51 PM |
| Re: المفصولون للصالح العام ،،، كاراكاتير | عبده عبدا لحميد جاد الله | 08-15-07, 03:55 PM |
| Re: المفصولون للصالح العام ،،، كاراكاتير | مصدق مصطفى حسين | 08-16-07, 12:56 PM |
| Re: المفصولون للصالح العام ،،، كاراكاتير | مصدق مصطفى حسين | 08-15-07, 11:22 PM |
| Re: المفصولون للصالح العام ،،، كاراكاتير | مصدق مصطفى حسين | 08-18-07, 01:57 PM |
| Re: المفصولون للصالح العام ،،، كاراكاتير | مصدق مصطفى حسين | 08-18-07, 11:02 PM |
| Re: المفصولون للصالح العام ،،، كاراكاتير | مصدق مصطفى حسين | 08-20-07, 11:21 PM |
| Re: المفصولون للصالح العام ،،، كاراكاتير | Nasr | 08-20-07, 11:29 PM |
| Re: المفصولون للصالح العام ،،، كاراكاتير | مصدق مصطفى حسين | 08-21-07, 10:41 PM |
| Re: المفصولون للصالح العام ،،، كاراكاتير | سلمى الشيخ سلامة | 08-22-07, 00:01 AM |
| Re: المفصولون للصالح العام ،،، كاراكاتير | مصدق مصطفى حسين | 08-22-07, 10:54 PM |
| Re: المفصولون للصالح العام ،،، كاراكاتير | مصدق مصطفى حسين | 08-22-07, 01:46 PM |
| Re: المفصولون للصالح العام ،،، كاراكاتير | سلمى الشيخ سلامة | 08-23-07, 00:15 AM |
| Re: المفصولون للصالح العام ،،، كاراكاتير | مصدق مصطفى حسين | 08-23-07, 12:27 PM |
|
| |
سلمى الشيخ سلامة
فيس بوك
تويتر
انستقرام
يوتيوب
بنتيريست