|
|
 Re: وظائف شاغرة للمهندسين .. فرص عمل ممتازة (Re: انعام حيمورة)
|
إنعام سلام,,,
شكراً لك. إنت دايماً مهتمة بهذا الشان
.........
لكن ديل يبدو لى هم فرع من شركة كيريال.. عندهم عدد كبير من التخصصات
يمكن راتبهم معقول..لكن شغلهم الله لاوراك ليهو... يقطعوا قلبك بالشغل يطرشوك عقا أمك الرضعتك ليهو.أعوذ بالله كلما اتذكر تلك الأيام يفضل لى أطرش.لولا إني كنت في العشرينيات من العمر وعندي همة تهد الجبال.كنت متا من كثرة العمل..
هم يهتموا بالخبرات أكثر من الشهادات.. شأنهم شأن الشركات الأمريكية والإنجليزية
وقتها قال لي كبير المهندسين البريطاني بتاعهم.. بالحرف الواحد.. لما نزلنا معاينة كنا ثلاثين تصفينا على اثنين.. بعد المقابلة طوالي قال لى تنزل شغل؟ قلت ليهو ياخي ماشي أختم شهادتي في التعليم العالي وأجيك... كنت يا دوب اتخرجت .. ضحك... قال لى بالحرف الواحد شهادتك على عينا وراسنا.. ختها عندي هنا في الرف..وانزل شغل.بيني وبينك أنا كنت ماشي التعليم العالي وبعدين أزوغ بي هناك امشي الثورة، لأنو ناس البيت كان محمرين سمك خايفو يفوت على، وبعدين ما متخيل زول بعد المعاينة طوالي يقول لى أنزل شغل..
المهم قال لى شوف ناس شئون الموظفين اختاروك لأنو انت لغتك الإنجليزية كويسة، بعدين يبدو إنك شجاع،نحنا حا نخليك معانا جبان..نحن أدينا توصية للجنة المعاينة قلنا ليهم بس ركزوا لينا على الخصلتين ديل.. شخص ثابت ولغتو الإنجليزية كويسة.. نحنا حا نعجنوا بي طريقتنا.. ماتهتموا بي دا دبلوم وبي دا بكالريوس.. .بعدين أنا موش عايزك بروفسور تدرس هندسة في الجامعة...؟ أنا عندي آليات ومكنات..معاك ناس حا تلقاهم جايين من المنطقة الصناعية أم درمان.تعرف المنطقة الصناعية؟.في قسم اللحام بيعملوا لى لحام.كأنو أصلي ما يقدر عليهو اي واحد ولو عندو ماستر..أنت حا تكون زيهم في الدرجة لكن ممكن تتفوق عليهم لأنو عندك سعة الأفق بحكم دراستك..قال لي أنا حا أختم شهادتك؟ قلتا ليهو كيف تختما وانت رجل أجنبي.. وأصلاً ليس لك شأن في هذا الشأن.. قال لى نعم سأختما.. حا أديك فرصة شهر.. وأمر عليك في الشغل مع العاملين أذا لقيتك تعرف شهادتك عندي مختومة، وإذا لقيتك ما بتعرف شغل ماكيناتي. شهادتك عندي ما مختومة حتى ولو جبتها من أكسفورد بتاعتنا..
مع إنو كارير كانت لا تراسنا بل عندها فرع شغل عندنا.. وهي تهتم بالتبريد أكثر من أي حاجة أخرى..وعندهم لوبي في الإدارة أعوذ بالله منو..أصعب من الجيش. المهم طلعنا منهم بخبرة وسمعة حسنة.بس ما عايز أكررها تاني.. ونادر زول يستحملها..وقتها وجدت معهم شاب شهم ظريف مهندس من حي ودنوباوي.. مقيم في الفرع بتاعهم في سوريا وجاء عندنا في الخرطوم..من كثرة الشغل سببوا ليهو إكتئاب. بس هو شاب ممتاز وموسوعة نسيت اسمو.. قلت ليهو كان عندنا شغل فيchiller انتهينا منو أنصاف الليالي.. قلت ليهو اولادك وين؟ قال لى في ود نوباوي.. قلتا ليهو كانوا معاك في سوريا قال لا. لى منهم ستة شهور وجيت من المطار عليكم بي هنا، وعايز أبيت في الهلتون معاكم ما عايزني. ماماشي..هو فضل في عضم تاني مع ناس كارير ديل.. كان رجل لذيذ.. كان يكبرنا.. اسبوع يوضب في العمل مامشي.. لامن مرتو جات قافراهو في الهلتون. تسأل تسأل. قالت في واحد اسمو منصوري يعرف محل راجلي وين بعد ما تاهت في ردهات الهلتون..المهم ما أكتروا ليك.. ديل يعصروا الواحد.. دا كان زمان هسه ما عارف إدارتهم كيف؟وأنا والله لا أكررها معهم مع إني ماخذ منهم شهادة شرف في العمل والتقنية..وعندهم أفرع أخرى موش كارير براها..
|
|
 
|
|
|
|
|
| العنوان |
الكاتب |
Date |
 وظائف شاغرة للمهندسين .. فرص عمل ممتازة | انعام حيمورة | 12-01-08, 09:51 PM |
| Re: وظائف شاغرة للمهندسين .. فرص عمل ممتازة | انعام حيمورة | 12-01-08, 10:04 PM |
| Re: وظائف شاغرة للمهندسين .. فرص عمل ممتازة | انعام حيمورة | 12-01-08, 10:26 PM |
| Re: وظائف شاغرة للمهندسين .. فرص عمل ممتازة | الملك | 12-01-08, 11:21 PM |
 Re: وظائف شاغرة للمهندسين .. فرص عمل ممتازة | انعام حيمورة | 12-02-08, 08:09 AM |
| Re: وظائف شاغرة للمهندسين .. فرص عمل ممتازة | الملك | 12-04-08, 11:39 PM |
| Re: وظائف شاغرة للمهندسين .. فرص عمل ممتازة | النذير بيرو | 12-02-08, 08:24 AM |
| Re: وظائف شاغرة للمهندسين .. فرص عمل ممتازة | انعام حيمورة | 12-02-08, 12:18 PM |
| Re: وظائف شاغرة للمهندسين .. فرص عمل ممتازة | النذير بيرو | 12-02-08, 01:50 PM |
| Re: وظائف شاغرة للمهندسين .. فرص عمل ممتازة | انعام حيمورة | 12-03-08, 04:48 AM |
 Re: وظائف شاغرة للمهندسين .. فرص عمل ممتازة | شكرى سليمان ماطوس | 12-03-08, 05:59 AM |
| Re: وظائف شاغرة للمهندسين .. فرص عمل ممتازة | حسن مضوي | 12-03-08, 06:43 AM |
| Re: وظائف شاغرة للمهندسين .. فرص عمل ممتازة | عبدالكريم الامين احمد | 12-03-08, 06:44 AM |
| Re: وظائف شاغرة للمهندسين .. فرص عمل ممتازة | الطاهر عثمان | 12-03-08, 10:46 AM |
| Re: وظائف شاغرة للمهندسين .. فرص عمل ممتازة | محمد عبداللطيف | 12-03-08, 02:31 PM |
| Re: وظائف شاغرة للمهندسين .. فرص عمل ممتازة | معاوية أحمد الطيب | 12-03-08, 05:36 PM |
| Re: وظائف شاغرة للمهندسين .. فرص عمل ممتازة | منصوري | 12-03-08, 06:32 PM |
| Re: وظائف شاغرة للمهندسين .. فرص عمل ممتازة | انعام حيمورة | 12-04-08, 09:51 PM |
| Re: وظائف شاغرة للمهندسين .. فرص عمل ممتازة | حسن زمراوي | 12-04-08, 10:56 PM |
|
| |
منصوري
فيس بوك
تويتر
انستقرام
يوتيوب
بنتيريست