خطورة الأسلام على العقل البشري

Quote: ألأخ / حاتم محمد تحياتي Quote: التحية لك من أضاف شيئاً , إن كان ذلك حديثاً بناءاً كما الأخ محمد قرشي عباس ياخي أنا بعتذر ليك عن أي حده في ردي عليك .. لكن كنت زعلان لآينشتين .. و بعدين المنبر ده عندو روحه الخاصة الما بتخلو من شقاوة الأطفال و قسوتهم أحيانا .. و شكرا ليك لإعتبار حديثي حديثا بنائا .. لكن علشان نفتح صفحة جديدة حقو نكون واضحين .. إنت هنا قلت: Quote: دعوني أقول لكم , أن المعرفة والعلم , إكتساب تراكمي , يمكن أن يكون لكم رأي في الفكرة أو الموضوع , وأيضاً يمكن أن تعترضوا وأنا أقول لكم , أضيفوا على ما وضعت , وحتى نصل لنتيجة جماعية في الفكرة المعينة في العلم عمل جماعي تام , ومهما كنت لن أصل إلى درجة الكمال و بعد نص ساعة .. و في بوستك ده Re: خطورة الأسلام على العقل البشري قلت Quote: أليس لي من أحقي أن أرفض كل التراكم العلمي السابق وثم أبني منظومة أخرى ؟ يلا أفترض أنو ده مربط الفرس .. لو كنت بتعتمد على تراكمية المعرفة كان ممكن نقبل كلامك و ننتقده بشكل جماعي ينحو به للتهذيب و الإكتمال .. و لكن الشاهد إنو كلامك فعلا بره منظومة التراكم ده لدرجة إنو مافي أساس أصلا للتفاهم بيننا !! فهل إنت بتعترف بالعلوم (اللي هي الحاجة الوحيدة في العالم السجمان ده المابيختلف عليها الناس) و لا لأ؟ فلو داير تنقض العلوم كلها و تنبني منظومة جديدة .. ما أقل من إنك تجود الفهم للقديم و تناقش الكل بكل رحابة .. لأن المسألة دي ما حاجه سهلة كده .. ده العلم يا حاتم .. ما فلسفة هيجيلية !! Quote: وأنا هنا لست من أجل أستعراض المعلومات , فقط أطرح فكرة لمجهود شخصي , قد يصيب وقد يخطىء , ولولا الخطأ لما وجد الصحيح أبداً في دي معاك حق لأنك ما قلت معلومات صحيحه أصلا .. يلا ده الأنا عاوزو منك تماما .. إنك تراجع كلامي و تعترف بخطأك لو شايف روحك أخطأت أو تناقشني مدافعا عن صوابك لو لسه متمسك بدفوعاتك غير كده أنا في حل من إني آخدك مجمل الجد .. و لاحظ إني ما إنتقدتك في بوستاتك حول الدين .. لأنو ديك حتات ممكن الفهم فيها يختلف بلا مشكلة .. لكن .. العلوم هي محرابي القدسي الذي أجد فيه حلم توحيد البشرية .. معملا لإرهاف الروح الباحثة عن الحق و الجمال .. لذا .. عذرا .. لن أستطيع التغاضي عن تشويهها أبدا تحت دوعى حرية التفكير .. مودتي