المـسكوت عنه (التحرش الجنسي في المكاتب والعمل)......... حلقة مع (د. ناهد واخريات) النيل الأزرق.

Quote: وبي المناسبة أناما إتخيل لي إنو لبس البنت مثلا عندو أي علاقة بي تعرضها لي التحرش ، لأنو في أخوات كتار محجبات ، ويمكن منقبات كمان بيكونو إتعرضو لي شكل من أشكال التحرش ! المشكلة في الزول البيقوم بي الفعل ده نفسو ،لأنو الزول البيتحرش بي زميلتو في الجامعة/زميلتو في العمل /جارتو في الحلة/قريبة صحبو ، هو بي الضرورة زول عندو مشكلة سلوكية ذات بعد نفسي ، وبالتالي الزول المن الطراز ده بيشوف كل البنات القدامو ديل سيئات ( الى أن يثبت العكس ) ! .. بمعنى إنو إذا زميلتو دي مثلا ردّت علي سلامو بي إبتسامة عادية جدا وبي حسن نية بإعتبارو زميلها ، ممكن عادي جداالشخص ده يعتبر ده تجاوب منها حسب خيالو المريض ، وده بالتالي بيشجعو إنو يعمل الخطوة البعد كدة ! أنا ما داير أقول لي أخواتنا العاملات إنهم ما يتعاملو مع زملاءهم بي صورة عادية ، لاكن مفروض الواحدة تاخد حزرها في التعامل ، خاصة إذا كانت جديدة في مكان العمل لحدي ما تعرف الناس كويس وتحدد كل زول تتعامل معاهو بي ياتو طريقة لأنو الموضوع في الأول والأخير بيتوقف علي تعاملها ده.