|
Re: خطير ... خطير ... جدا لكل المغتربين الراجعين ؟؟؟ ما هو دا المشروع زاتو (Re: علوبه)
|
ويستمع (الطاهر) لجاره (سليمان الترزى) والذى يعرض عليه فكرته والتى تقول بان يقوم (الطاهر) بإستيراد عدد أربعين مليون (إبرة خياطة) على أن يقوم بعد إدخالها ببيعها وتوزيعها للبقالات والمحلات فى الأسواق !
- شوف يا معلم لو بعت الإبرة الواحده بس بى خمسميت جنيه البسيطه دى شوف ح يعملو كم ؟ بعدين هم ذاااتم ما بقروش هسه تلاقيهم فى الهند وإلا الصين الميه بى جنيه واحد !
- والله فكرة !
- وكمان فى حاجه تانى .. إنتا ما تدخلهم عديل عشان ناس الجمارك يجمركوهم ليكا بالشئ الفلانى
- طيب أعمل شنو يعنى
- يعنى ممكن تشترى ليكا كم (كمبروسور) بتاعين بنشر وتروح فاتح كل (كمبريسور) وحاشيهو (إبر) ولاحمو تانى وتديهو بوهيه !!
- لكن باقى ليكا (الإبر) دى بتتباع يا أسطى (سليمان)؟
- إنتا بس حكاية البيع دى سيبا ليا أنا
الطاهر يفكر :
قضى (الطاهر) ليله كله يفكر فى مشروع الأسطى (سليمان) من كافة الجوانب حاملا فى يده ورقة وقلم (لزوم التضريب) حتى لاحظن زوجته نعمات ذلك
- إنتا الليله الحاميك النوم شنو؟
- والله بس مشروع كده !
- مشروع شنو إنت (عصام) أخوى ده ما قال ليك عندو ليكا مشروع ختير
- والله مشروع الأسطى (سليمان) ده ده مشروع (خترى) ويقول لى مشروع أخوك عصام العاوز يقترحو ده إنتا شنو؟
- ومشروعو ده حافلة وإلا ركشة وإلا إتصالات
- إبر !
- شنو ؟ كمان عاوز تتاجر فى (الحقن) !
- حقن شنو يا وليه ؟ إبر البخيطو بيها دى
ما لبث (الطاهر) أن (صنقر) فوق السرير وأخذ يشرح لزوجته (نعمات) فكرة الأسطى (سليمان) والتى ما أن إستمعت لها حتى صاحت فى وجهه :
- عليك الله ده مشروع شنو؟ هو هسه منو القالو ليكا قاعد يخيط ليهو حاجه؟ ما كلو جاااهز والله تتابع ليا مشاريع (الترزيه) ديل واطاتك أصبحت - مواصلة فى تهكم – قال شنو أربعين مليون إبره !!
- طيب الحل شنو؟
- الحل تشوف المشروع القال عصام عاوز يقولو ليكا ده وأكيد ح يكون ناجح عشان عصام ده زول تفتيحه ولفا العالم ده كلو ما ذيك !
|
|
|
|
|
|
|
العنوان |
الكاتب |
Date |
خطير ... خطير ... جدا لكل المغتربين الراجعين ؟؟؟ ما هو دا المشروع زاتو | علوبه | 11-29-10, 04:03 PM |
Re: خطير ... خطير ... جدا لكل المغتربين الراجعين ؟؟؟ ما هو دا المشروع زاتو | النذير حجازي | 11-29-10, 04:23 PM |
Re: خطير ... خطير ... جدا لكل المغتربين الراجعين ؟؟؟ ما هو دا المشروع زاتو | علوبه | 11-29-10, 05:09 PM |
Re: خطير ... خطير ... جدا لكل المغتربين الراجعين ؟؟؟ ما هو دا المشروع زاتو | عمر الفاروق عبد الله الشيخ | 11-29-10, 06:02 PM |
Re: خطير ... خطير ... جدا لكل المغتربين الراجعين ؟؟؟ ما هو دا المشروع زاتو | عبدالعزيز حسين عبدالرحيم | 11-29-10, 06:17 PM |
Re: خطير ... خطير ... جدا لكل المغتربين الراجعين ؟؟؟ ما هو دا المشروع زاتو | محمد الأمين موسى | 11-29-10, 06:31 PM |
Re: خطير ... خطير ... جدا لكل المغتربين الراجعين ؟؟؟ ما هو دا المشروع زاتو | علوبه | 11-29-10, 08:20 PM |
Re: خطير ... خطير ... جدا لكل المغتربين الراجعين ؟؟؟ ما هو دا المشروع زاتو | علوبه | 11-29-10, 08:16 PM |
Re: خطير ... خطير ... جدا لكل المغتربين الراجعين ؟؟؟ ما هو دا المشروع زاتو | علوبه | 11-29-10, 08:35 PM |
Re: خطير ... خطير ... جدا لكل المغتربين الراجعين ؟؟؟ ما هو دا المشروع زاتو | علوبه | 11-30-10, 11:51 AM |
Re: خطير ... خطير ... جدا لكل المغتربين الراجعين ؟؟؟ ما هو دا المشروع زاتو | عبد اللطيف السيدح | 11-30-10, 12:00 PM |
Re: خطير ... خطير ... جدا لكل المغتربين الراجعين ؟؟؟ ما هو دا المشروع زاتو | علوبه | 11-30-10, 12:33 PM |
|
|
|