الهلال يكسب شكواة ضد الصفاقصي

Quote: رغم الي كنت متاكد من رفض الاتحاد الافريقي للشكوى الا انو و بحكم متابعتي للمنتدى السوداني ... يوصلو ينرفزوك موش خاطر يجيبو ادلة قاطعة على صحة الشكوى متاع الهلال اما بنوعية المواضيع في منتداهم صدقوني مواضيع بدون ادنى قيمة تقعد بالاشهر و ما تتسكرش رغم الي ثمة اقلية تعرف تناقش و ترفض الحكايات هذم و ديما تلوم على الاعضاء الي يكتبو مواضيع بدون قيمة اما عندهم حكاية "للتوثيق" ... يعني يكتب موضوع و يتخاطر مع اصحابو على صحة الموضوع ... كان خطف ... اوكا يولي بطل عندهم المراسلين متاعهم كيما واحد اسمو "الجزولي" .. وصل حل مواضيع على حكاية الشكوى و صب خطار على قفل العضوية متاعو كان الكاف ما تقبلش الشكوى مساكن الاعضاء السودانيين صدقوه و ليلة كاملة يستناو عندهم صحيفة قووون زادة، المصيبة يعتبروها مصدر رسمي و هي تخرج في الاخبار الغالطة راهو تشوف الاعاجيب غادي يوصلو يحلو مواضيع متاع دعاء بش تقبل الشكوى متاعهم ... تو معقول هكة ايامات الماتش متاع الديمي فينال ... يلومو على ميشو كيفاش عمل تغيير و دخل اللاعب الي ضيع البينالتي السيد من اقوى المدربين الي ريتهم في افريقيا و شوف على شنو يلومو عليه لومو علا ملاعبيتكم الي ضيعو فرص واضحة جدا جدا جدا والله العظيم لعبنا مع فرق مغربية و مصرية و جزائرية و ليبية ... و مشينا لمنتداهم نقراو الاخبار و التعاليق بش ريت كيف المنتدى السوداني ما ريتش المصيبة فاش ... يقولولك - التوانسة مغرورين ... اكيد جدا الي الشعب السوداني شعب طيب جدا يعني ما عندهمش خباثة .. اما في الكورة مازالو بعاد برشة، تقلو الكاف راهو نحى البطاقات و السجل ولى نظيف متاع كل لاعب، يقلك لا الانذارات تنحاو اما وقت ياخو انذارين مرة اخرى يرجعو يتحسبو ... ما لواه تنحاو هوما؟ - يقلك التوانسة يعاونوهم الحكام و الاتحاد الافريقي يجامل التوانسة.. نقلهم التوانسة من 1999 وصلو للنهائي متاع رابطة الابطال 7 مرات خسرو منهم 6 و 3 منهم بتحكيم فاضح... مالا وقت ما يجاملوناش اش يصير؟ ما يحسبوناش وقت يعملو القرعة؟؟؟؟؟ على مراد الله و اكهو