|
|
 Re: كَرَاضِم الغُرْبَة.... أو المَنُوفَش (Re: صلاح الفكي)
|
ياجعفر طه
معليش ياخ ما تقول الكوز او مجرد الكوز دا جاي هنا يخستك لي البوست لا سمح الله ؟ أبدا والله بس أنا بحب أرعى الناشئين والمواهب وكدا ... شوف انا لا ألجأ كثيرا لمسألة تصحيح الأخطاء الإملائية إلا نادرا وجيتك هنا أصححح ليك وأديك الدرجة بتاعتك لسببين :
الاول انك عضو فوق العادة ... أديب وفائز بجائزة عن (الكتابة) أم دق.
الثاني : في مرة ضبطتك تقوم بنفس الفعل -التصحيح- مع زميلنا علاء الدين منصور (تمبس)
عشان كدا شلت قلمي الاحمر وجيتك، طالما انت تقر وتمارس نفس الفعل ... | Quote: سالت احد تلميذات ( مدرسة عربية) مدرستها قائلة |
في مداخلتي الأولى نبهت كاتبنا الشاب إلى الإهتمام بالهمزات وذكرت له أن الهمزة حرف كاااامل وليست حركة من حركات التشكيل بحيث يمكن التغاضي عنها مع الكراهة ولكنه ضرب بكلامي عرض حائط الحمام بتاع (احد التلميذات) ...
في المقتبس الفوق دا من مداخلتك التي وردت على هذا الرابط Re: كَرَاضِم الغُرْبَة.... أو المَنُوفَش كتبت ياسيدي الكريم (سالت) هكذا من غير همزة على الألف ومثل هذا الخطأ يندرج تحت قائمة الأخطاء الفادحة وتجعل القارئ أو المتلقي يبحث أولا في تصحيح الكلمة ومن ثم إلى وضعها في سياقها الصحيح ثم يجتهد في فهم ما يريده الكاتب ... شفت أنا لما قلت ليك إنت لا تحترم القراء كنت محق كيفن ؟ القارئ ذنبو شنو يصحح ليك اخطاءك ؟ اما لو كنت قايل (كلو عند العرب صابون) تبقى مصيبة والله ... وهل تسيل التلميذات يارجل؟ لا زلت اواصل تعليقي على المقتبس .. كتبت ياجعفر سالت احد التلميذات ... احد أو أحد وأنت لاشك تقصد (إحدى) ...
ياجعفر طه الكتابة مسئولية ودعني اوصل وأعرج على باقي المداخلة وأرجو ان يتسع لي صدرك ولن تجد إنسان مثلي يسدي لك مثل هذه النصائح الغالية والتي لا أبذلها إلا لإنسان عزيز وأنت لست بعزيز علي " لاكين برتاح ليك والله"  | Quote: جاءت طفلة سودانية عمرها خمسة اعوام الي البيت و دخلت الي الحمام بغير عادتها و استحمت ثم تناولت الغداء و بعد الغداء ذهبت الي الحمام ثانية لحمام آخر فسالتها امها لماذا الحمام ثانية؟ فقالت حتي يخرج هذا اللون |
شوف الكلام الورد في الاقتباس اعلاه كلام مهم ومؤثر جداً لكن عبرت عنه بطريقة أفسدته تماما لاحظ عزيزي طه للكلمات المؤشرة باللون الأحمر كثيرا ما تقع في فخ التكرار والتكرار أحد آفات الكتابة الأدبية وغير الأدبية ولذلك أوجد العرب إختراع لغوي أسمه "الضمائر".. والكاتب الموهوب يجد مليون طريقة وطريقة لتجنبه ...
وكلام العرب دا يا طه كل كلمة فرزوا ليها معنى براها يعني جاءت مازي عادت البنت تعود إلى بيتها ولا تجئ شايف كيف ؟ والبنت تدخل الحمام "على غير عادتها" وليس "بغير عادتها" إذ أن "عادتها" ليست بالطبع صابونة حمام ولا منشفة ... وأيضاً لو قدر لي أنا "المسكين" دا أن أعيد كتابة المقتبس المؤثر أعلاه لكتبت (( عادت طفلة-سودانية- في الخامسة من عمرها إلى البيت، وعلى غير عادتهاذهبت للإستحمام ثم عادت وتناولت الغداء، ثم ذهبت مجددا الخ ...))
الشغلانية ياطه محتاجة لبصارة وعِرفة شديدة أكتر من حوجتها لجائزة ... حاول اقرا كتير ( وجوِّد الكتابة اقراها مرة واتنين وتلاتة وبعد كدا انشر ) مادام الرغبة في حتما ستصل ...
انا لو جبت ليك هنا مقاطع من كتابة كاتب زي محسن خالد من بوست "ونسة" ساي حتعرف إنو (الكاتب كاتب حتى لو صاحي من النوم، والمسكين مسكين لو ادوهو جائزة كل يوم)
______________
لو مداخلتي دي والتانية ما عجبوك رسل لبكري يحذفم ليك
عبدالوهاب علي الحاج
كوز او مجرد كوز
|
|
  
|
|
|
|
|
| العنوان |
الكاتب |
Date |
| كَرَاضِم الغُرْبَة.... أو المَنُوفَش | طه جعفر | 11-10-10, 08:28 PM |
| Re: كَرَاضِم الغُرْبَة.... أو المَنُوفَش | طه جعفر | 11-10-10, 08:47 PM |
| Re: كَرَاضِم الغُرْبَة.... أو المَنُوفَش | طه جعفر | 11-10-10, 09:00 PM |
| Re: كَرَاضِم الغُرْبَة.... أو المَنُوفَش | طه جعفر | 11-10-10, 09:00 PM |
| Re: كَرَاضِم الغُرْبَة.... أو المَنُوفَش | عبدالوهاب علي الحاج | 11-10-10, 09:32 PM |
| Re: كَرَاضِم الغُرْبَة.... أو المَنُوفَش | طه جعفر | 11-11-10, 11:31 PM |
 Re: كَرَاضِم الغُرْبَة.... أو المَنُوفَش | صلاح الفكي | 11-13-10, 00:11 AM |
| Re: كَرَاضِم الغُرْبَة.... أو المَنُوفَش | عبدالوهاب علي الحاج | 11-13-10, 09:15 AM |
| Re: كَرَاضِم الغُرْبَة.... أو المَنُوفَش | عبدالوهاب علي الحاج | 11-13-10, 02:54 PM |
| Re: كَرَاضِم الغُرْبَة.... أو المَنُوفَش | طه جعفر | 11-13-10, 04:57 PM |
| Re: كَرَاضِم الغُرْبَة.... أو المَنُوفَش | مرتضي عبد الجليل | 11-13-10, 06:38 PM |
| Re: كَرَاضِم الغُرْبَة.... أو المَنُوفَش | طه جعفر | 11-13-10, 07:21 PM |
| Re: كَرَاضِم الغُرْبَة.... أو المَنُوفَش | طه جعفر | 11-13-10, 07:16 PM |
| Re: كَرَاضِم الغُرْبَة.... أو المَنُوفَش | فاروق عثمان | 11-13-10, 08:16 PM |
| Re: كَرَاضِم الغُرْبَة.... أو المَنُوفَش | طه جعفر | 11-14-10, 03:03 PM |
| Re: كَرَاضِم الغُرْبَة.... أو المَنُوفَش | طه جعفر | 11-15-10, 07:40 PM |
| Re: كَرَاضِم الغُرْبَة.... أو المَنُوفَش | طه جعفر | 11-15-10, 08:06 PM |
| Re: كَرَاضِم الغُرْبَة.... أو المَنُوفَش | طه جعفر | 11-17-10, 07:41 PM |
| Re: كَرَاضِم الغُرْبَة.... أو المَنُوفَش | عبدالوهاب علي الحاج | 11-17-10, 07:57 PM |
| Re: كَرَاضِم الغُرْبَة.... أو المَنُوفَش | عبدالعزيز حسين عبدالرحيم | 11-17-10, 08:40 PM |
|
| |
عبدالوهاب علي الحاج
فيس بوك
تويتر
انستقرام
يوتيوب
بنتيريست