الما ببقي نفسه زول مافي زول ببقيه من يعاني من ازمة هوية اهل الشمال ام اهل الجنوب؟؟
اذا كان من الاستقلال 1956...رضينا نكون مسلمين افريقيين درجة اولى واسلامنا المستوطن هو بتاع اوتاد الارض في القبل الاربعة البرعي في الغرب والجعلي حاج حمد في الشمال وبيتاي في الشرق والشيخ بدر في الوسط
وارتضينا اسلام القيم والسلوك الذى جسدته الاية( - ليس البر أن تولوا وجوهكم قبل المشرق والمغرب ولكن البر من آمن بالله واليوم الآخر والملائكة والكتاب والنبيين وآتى المال على حبه ذوي القربى واليتامى والمساكين وابن السبيل والسائلين وفي الرقاب وأقام الصلاة وآتى الزكاة والموفون بعهدهم إذا عاهدوا والصابرين في البأساء والضراء وحين البأس أولئك الذين صدقوا وأولئك هم المتقون)177 وليس اسلام الشعائر والشوفينية العنصرية وتزكية النفس كذبا...وتجاوزنا العنصرية الجاهلة القائمة على اللون التي اندحرت في كل العالم الا الشرق الاوسط...وتحررنا من ادعائنا الزائف والكاذب باننا عرب(مع الاعتذار للاسود الحرة)... يا ناس نظرية الحزام الاسود والسرطان ..لو اندعكنا بالكريمات بتاعة فضائية النيل الازرق...وفسخنا جلدنا لحدت ما بقينا ذى حيطة مدرسة خور عمر او حتى (القصرية) بتاعة زمان في عنبر الحوامل....لن يحترمنا احد اذا كانت سلوكياتنا مشينة ونحن الكنا احسن سود في العالم خلاقا واخلاقا قبل وباء الانقاذ...
كيف يحترمنا العرب والعجم...ونحن فوتو كوبي ابيض واسود ونسخة مشوهة وظل لغيرنا... لكن هسه مهما استطال المازومين عروبيا في الشمال ...السوداني في الخارج عربي درجة تانية وان راى غير ذلك...والما ببقي نفسه زول مافي زول ببقيه عشان كده الانقاذيين الوصلوا مرحلة القرد في دارونية كمبرور ديل احسن يفوقوا قبل ما يفك البنج ويلقو نفسهم في النقعة...ويبعدوا من اجهزة الاعلام(اكل المستشفيات) المملة والمخزية..والمكرورين دون جديد ومفيد لا يوجد عرب في السودان غير الرشايدة ونتعز بهم كقوى للسودان الجديد والسرطان في الخرطوم وليس في الهامش...بي عايزين جهاز الليرز يعمل وشينج للخلايا السرطانية تلك..
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة