كمال الجزولي معه كل الحق في الترافع عن وائل ، وإليكم السبب!!

Quote: والله ما عرفتك قاصد شنو بي قانون الإثبات الإلهي ده؟ بعدين وين أن قلت المحامي شريك للقاتل؟ يا بدر الدين أخطر حاجة إنك تستنج كلام من كلام وتقوم تنسب الإستنتاج ده لمن قال الكلام المعين ، كدي هدي شوية وواحدة واحدة. غايتو فطينا باقي المداخلات وريدت عليك لأني إتخلعت بكمية من الإستنتاجات ما ليها أي علاقة بي كلامي ، بعدين أنا بتكلم عن ميثاق وأخلاقيات المهنة وإنو المحامي ممنووع بنصوص القانون إفشاء أي معلومات أو أسرار تحصل عليها بحكم المهنة ومخالفة النصوص دي يعرضه للمسئولية القانونية لا محالة. ممكن تطرح وجهة نظرك الشخصية دون إستنتاج نتائج لا علاقة لها بالموضوع ، لأنو الكلام ده كأنك بتنسب لي إستنتاجاتك وده ماحاصل ، فقلت أحسن أنبهك سريع قبل ما تسترسل أكتر.