بدائل سعاد الفاتح ، ام تذكير الجبهة الإسلامية بالعودة لفقه البدائل؟

Quote: و يا ناس المؤتمر الوطني ما رأيكم في البدائل التالية: دولة مواطنة تحترم انسانها و تنوع الثقافات بصورة حقيقية.. دولة ما فيها جاكة مثل جاكة تطبيق الشريعة الإسلامية .. لأنو المكنة دي جربتوها وودت البلد لغاية ام طرقا عراض..ربع قرن من الفشل الذريع كفاية خالص..! دولة سلام و عدل.. مافيها فرقة لمواطن يحرد و يشيل بندقية.. دولة محترمة في المجتمع الدولي (بعدين لمن نمشي الجنة ممكن نقول ما دايرين الأمريكان و غيرهم يقعدوا معانا في الجنة)..و نحن الآن في الدنيا و في الأرض.. فلابد أن نخلق علاقة تعايش مع المجتمع الدولي.. مش نحاول نفرض عليهو كذباتنا الهايفة من شاكلة دولة دينية اسلامية ( انتو اخلاقيا غير مؤهلين لمثل تلك الدولة و ترجبتكم في الربع قرن في السودان اثبتت ذلك..)..! دولة فيها الحقنة ( العلاج) ما بتعرف تمارس تمييز عنصري بين الإنسان و الإنسان الآخر..! ويشتغلوا شنو! يبيعوا سبح وطواقى فى الدولة العلمانية! جنى دولة ما فيها تراتبيبة مواطنة ( المسلم درجة اولى و غير المسلم درجة تانية..و المسلم العربي درجة اولى ..و المسلم غير العربي درجة تانية..الخ)..!! دولة للبناء (مش تمسكوا المسطرين و تقولوا نحن المعلمين و الغير كشا مشا ساكت) تجعل انسانها يفتخر بالإنتماء اليها..و يعطي باخلاص.. لأنه يدرك جيدا أن عطائه يقابل بالإحترام ايضا..! دولة تردع المجرم.. عشان مافي مجرم تاني يفكر في ضبح الناس ساكت بلا فهم..! دولة فيها قانون واضح لجرائم الإبادة العرقية و الجرائم ضد الإنسانية و جرائم الحرب..! دولة فيها انسان سوي و عقلاني التربية..ولا يلجأ لتصفية خصوماته عن طريق استهداف النساء المستضعفات في شكل جرائم اغتصاب جماعية.. لأنه يعتقد بفعل ذلك سيهزم الخصم و يكسر قرونو..! دولة فيها قانون يمنع فساد السلطة و الإدارة..و يوقف الجيش في حدودو..مش كلما يحرد عسكري.. تاني يوم ينط في دباب بليل و يستلم الحكم..و يعيس في الأرض فسادا كما فعل اهل الإنقاذ..! كبر