العيشة كيف يا وهبة!؟

Quote: المشكلة يا طبنجة المناضل دا قايل حكاية البيت دي مشكلة ياخ المعز قون الهلال البطلع غلط دا ومورم فشفاشنا عندو فيلا ... وهسي انت يا مناضل السجم بدل العوارة القاعد تسوي فيها في النت دي لو جيتنا هنا بطولك الفارع وعقلك الفارغ ولعبت راس حربة في الهلال ما كان نفعت البلد ونفعت نفسك ... طبعا انت مناضل كبير ما اظن ترضى تلعب لفريق معين عشان كدا نلعبك في الفريق القومي ... وما دايرين منك حاجة كتيرة لأنك ما ممكن بفهمك دا وعوارتك دي تكون ناقش حاجة في كرة القدم .. بس تقيف داخل الصندوق وتحديدا في منطقة الـ 11 ياردة والجماعة يعكسوا ليك الكورنرات وتدق فيك وتخش قون ... لو مافي كورنر تخت ليك كرسي جنب العراضات بتاعة الخصم وتقعد ... يعني تقيف بس .. زي شيطان مكة بتاع الجمرات داك ناس مهند والبرنس يرجموك وتدق فيك بس صعبة دي ؟....على الاقل البلد دي تكون استفادت منك حاجة وانت ذاتك تقدر تتشرف براسك الكبير دا وتقدر تستفيد من وراهو بعد ما خذلك اكاديميا ... مش كل يوم شابكنا عاك عوك عاك عوك وعاجل وعاجل جدا ... عليك ياود هباني لقيتني كيف ؟ نديدك دا دحين ما قلبو عليك وداير ليك الخير ؟ ودا غير الشهرة كابتن هباني جا كابتن هباني مشى كابتن هباني دخل كابتن هباني مرق كابتن هباني مصاب كابتن هباني في الاردن هههه صيت تمام شفت كيف ؟ واهلك قالوا الصيت ولا الغنى وانت ستنال الحسنيين يارجل الصيت والغنى .. وانك اذن لسعيد يلا بلا تكساس بلا طراحات معاك ... يازول كدي فكر في كلامي دا وما بتندم وياريت عما قريب نشوفك في الاستاد لابس الارقام من نمرة 9 لحدي نمرة 11 عاد ما مناضل كبير يعني جايين نلبسك فنيلة واحدة ما بنسويها حرم ... ___________ وكمان لو داير تجيب معاك ناس كوستاوي ودينق ديل... بنوديهم ليك الناشئين يجيبوا الكور من برة