تنبيهات مهمة للسودانيين بالداخل الزائرين دولة الامارات العربية بواسطة وكالات السفر/السماسرة..

Quote: اولا يا عفاف اذا كان الكوت الرفعتيه بتاع امير دا قصدك منو انو السودانيين خاليين عرفه بالحاجات دى فدا كلام ما صاح استخدام السودانيين وعرفتهم للتكنولجيا والانجليزى تفوق معرفة القاعدين فى تلك البلاد بفراسخ (حلوة دى ؟) والجماعه البجونا من اوربا وامريكا الموبايل دا ما بعرفوا لى زينا اها النوريكم ..

Quote: بعدين انتو بتمطوا فى الموضوعات وتدخلوا بى حمد وتمرقوا بى خوجلى ما عرفناكم دايرين تقولوا شنو ؟

والله يا دينا يا اختى لا دخلنا بي حمد ولا مرقنا بي خوجلى .. البوست ده لو اتمعنتى فيهو كويس ونظرتي ليهو بنظرة استفاده للجايين للعمل هنا .. بتقدر تفهمى موضوعه شنو .. يعنى اطلاقا موضوعه ما تقليل من شأن اهلنا .. بل بالعكس ده بوست تنويري وممكن الناس تستفيد منه ..

Quote: بعدين يا عفاف قصة الدنيا دوارة دى ياها ذاااتها كلامى القلتو ليكم فى بداية البوست انو الايام دول فى داعى تجى تدوريها لى هى ذااااتها وتكون رد على انا ؟ دا ذى ما قلت ليك كلامى انا

يا ستى لكل منا فهمه وانا بكرر ليك الدنيا دوارة ممكن نحنا نحتاج للناس دي ..
والدنيا دوارة ممكن انتى يجي اليوم البتشوفى فيهو تجربة للناس البجو من غير تنوير ..
ولا اقول ليك لو التكرار زعلك وفهمتى بي رائك انتى يبقى نسحبه ..

Quote: انتو كلامكم ملخصو شنو ؟ انا ما قدرت بالضبط اعرفكم دايرين تصلوا لى شنو ؟ اى زول عايز يتبهدل دى حريتو الشخصية انت بتقدر تقول لى ما تصلنى وماتتبهدل عندى بس دا حقك ودى حريتك لكن كمان ما بتقدر تقول لى ما تتبهدل عموما دى حريتو هو ..

يا دينا يا اختى ما عايزين نلت ونعجن فى الموضوع ونلف وندور حول حلقة واحدة ..

البوست الهدف منه واضح وما عايز توضيح اكتر من التجارب الشخصية الموجوده فيهو ..

الحكاية وما فيها انه اهلنا السودانيين بعزتهم وكرامتهم المعروفه للعالم كله ..

حقو يخلوها محفوظة وما يتبهدلوا فى الغربة والارزاق بيد الله مش بيد غيره ..

والحكاية وما فيها التريس والدراسة .. والحذر من الغش الحاصل ..

وذكرته ليك يا دينا لست فخرا .. لكن بيوتا مفتوحة 24 ساعة لكل السودانين وتحت الخدمة فى اي وقت .. والبوست ده دخولنا فيهو اطلاقا ما كان تسبيط همة ولا قطع رزق .. بل بالعكس تنوير وعمل خير فى النهاية..

Quote: ويظل السؤال عالق لسه انتو جيتو على الشغل دا راسا من السودان ؟؟ ولا قعدتو وبحثتوا ؟ اذا جاوبتو على السؤال دا عندى نقاش معاكم تانى

يا دينا يا حبيبة .. البوست ده ما مفتوح للقصد من معرفة تجارب الناس وعملها .. البوست القصد منه تبيه للزائرين لدولة الامارات للبحث عن العمل .. والداخلين بزيارات .. والداخلين بتأشيرات عمل مضروبه .. وإذا انتى عايزه تعرفى تجارب الناس الموجودين هنا كلهم .. فلكل منهم طريقته الدخل بيها .. وحتى لو الناس دخلت هنا وعانت لغاية ما حصلت الاستقرار .. عايزين يوضوحوا لى الناس ما تعانى زي ما هم عانوا ..

أما يا دينا يا حبيبة عن تجربتى الشخصية لو انتى عايزه تعرفيها .. ثقى تماما انا ما كبيت الزوغه ..

صرف النظر عن انه انا عندي اهلى منذ قيام الاتحاد هنا وعندي جزء من افراد اسرتى هنا فنهائي مافى شخص فيهم خدمنى .. انا عملت بدول مختلفة وفى مجالات مختلفة .. بالتالى جيت بخبرة وااااسعة .. ولعلمك دخلته معاينه مع 18 متقدمة للوظيفة وتم اختياري دون فخر .. وحتى الان بعمل بنفس الوظيفة منذ سنوات .. وكله ده كل يوم بندرس شيء جديد عشان نواكب مع العالم .. يعنى لسه طلبه تتخيلي

فوالله يا دينا يا خيتى القصد من البوست ده يشهد الله تنوير ومحبه فى اهلنا السودانين البنفتخر بيهم وهم فعلا موضع فخر فى كل دول العالم .. وما عايزين شخص يتبهدل نهائي واي زول فينا بيقدر يقدم خدمة ما بتوانا فيها نهائي وما عايزه اقول ليك طيلت هذه السنوات وفرنا وظائف للكتير منهم وهسه فى بوست مفتوح عن وظائف فى دولة الامارات وعلى استعداد لتقديم المساعده لاي شخص مهما كانت العلاقه بيهو ..

ولك منى الود اضعاف ..

ولصاحب البوست ..

وربنا يوفق الجميع لما فيهو الخير ...


بينى وبينك يا دينا ما مرت بيك تجارب تحكيها لينا هنا ..

ولا تكونى عندك وكالة سفر وسياحة ونحن ما عارفين ...