|
Re: تحولت لتشيجع المريخ (Re: Hassan Senada)
|
أضحك مع خالد عزالدين
Quote:
أنا طبعاً زول ثقيل وبحب الثقالة.. أمبارح فتحت ليك منتدى كورة.. لقيت ليك كمية من ثقالات الهلالاب عجبتني جداً.. وحقيقة هي معبرة عن الواقع وبأسلوب ساخر وبعالج قضية حقيقية.
الموضوع طبعاً كاتبو واحد وباقي الناس بعلقو عليهو.. الموضوع بعنوان (انتو لييه بقيتوا كده يا مريخاب)..
انتو ليه دائماً عندكم إحساس بأنكم مستهدفين وما في زول بحبكم !!
ليه دائماً التحكيم ضدكم ومتحامل عليكم لكن مع الهلال سمن على عسل ومجامل!!
ليه دائماً عندكم إحساس بأن فرق الممتاز بتلعب معاكم بقوة وبتلعب مع الهلال باستهتار !!
ليه دائماً عندكم إحساس بأن الاتحاد العام ضدكم.. زمان أيام شداد.. وحسي أيام معتصم !!
حقو تقعدوا مع نفسكم وتحاولوا تجاوبوا على السؤال دا لأنو حالتكم بقت بطالة خلاص..
يمكن الحكاية محتاجة لعلاج نفسي أو زيارة شيوخ.. يمكن يكون معمول ليكم عمل عندو علاقة بي (عرق المحبة)..
لو استمريتو كدا حتاكلوا رقبتكم يوم من الأيام..
وطبعاً بعد داك جات الردود من الناس الثقيلين
زي الزول الحاسي أنو أمه بتحب أخوه أكتر منو...
عشان أخوه سمح وشاطر وبلبس نضيف والناس كلها بتحبو..
وهو شين ومبشتن وماعندو أصحاب..
يكون إحساس بالدونية؟
طبعاً الحاجة دي بحددها الطب النفسي..
ربنا يكضب الشينة غايتو..
الإحساس بالدونية مع الحسد والغل والطمع
الزول مفروض يرضى بقسمته..
وبعدين حب الناس دا شي من رب العالمين
يكون مركبات نقص
أو خلل في الهرمونات
بصراحة موضوع مهم والجماعة مفروض فعلاً يشوفوا نهاية للقصة دي شنو.. شاركوا في دوري الأبطال قالوا التحكيم مستهدفنا.. شاركوا في الكونفدرالية وطلعوا منها قالوا التحكيم.. هسي في المنافسه المحلية برضو نفس القصة..
حتى ناس الاحتياطي المركزي مستهدفين المريخ..
خلوا المظاهرات وطلبة الجامعات وقبلوا على المساطب الجنوبية محط وشحط شديد..
البلد كلها بقت ضدكم يا كافي البلا..
أنا لو في مكانكم أطالب بالانفصال طوالي..
بلد زي دا كلها شاماكم دايرين منها شنو ؟؟
يا كافي البلا حتى الإصابات مستهدفاهم وماخدة منهم موقف..
يااخي ديل المواسم الفاتت كلها عاملين مشاكل مع الحكام الدوليين.. بدر الدين عبد القادر هلالابي.. الفاضل أبو شنب لعبنا في المطرة.. خالد عبد الرحمن بخاف من الهلالاب.. كرهوا الحكام الدوليين حياتهم.. لجنة التحكيم غيرت ليهم الحكام الدوليين كلهم.. جابت ليهم حكام قوميين بناء على رغبتهم.. النغمة الجديدة.. لييه نحن بس بجيبوا لينا حكام قوميين.. لييه الهلال بحكموا ليهو حكام دوليين.
عقدة نفسية من الهلال.. في الموسم الفات قالوا لييه الهلال يلعب قدامنا طوالي الحكاية دي بتعمل لينا وجع رأس.. الهلال بكون غالب ونحن بندخل المباريات بعدو بكون عندنا توتر.. قام الهلال السنة دي مشى في الكونفدرالية وهم ودعوا ورحلوا.. الهلال عشان عندو مشاركات خارجية بقى يلعب بعدهم.. مباريات مؤجلة.. قالوا كييف الهلال عندو مباريات مؤجلة ونحن ما عندنا!! يا اخوانا..
يااخي ديل قالوا شداد ده ما نافع.. دكتاتور.. بقيف ضد المريخ.. هلالابي كبير وكان مدرب للهلال.. ما عايزين شداد.. عايزين ولدنا الكبير معتصم جعفر وولدنا الصغير أسامة عطا المنان.. ما في مشكلة نجيب ليكم معتصم وأسامة..
أول مباراة اتهزموا فيها قالوا الاتحاد ضدنا.. أسامة ده ما عايزنو بسافر مع الهلال.. معتصم ده ما نافع معانا عشان بجامل أخوهو وبتبرع كمان للاعبي الهلال.. يااخي انتو أغلبوا ليكم فريق خارجي معتصم بتبرع ليكم.
قناة قوون عملت يوم مفتوح للهلال بمناسة مباراة الصفاقسي.. قالوا لييه ما يعملوا لينا يوم مفتوح نحن مش قبل كده لعبنا مع الصفاقسي!
الهلال يدوهو بلنتي يقولوا الا الكورة الجاية يدونا بلنتي.
قالوا زي ما الوزير عين للهلال لجنة تسيير.. نحن كمان عايزين لجنة تسيير.. الوزير عمل مشاورات.. قال خلاص نعمل خالد حسن عباس رئيس.. قالوا لا نحن عايزين شيخ عرب!
انتو دكتور عمر محمود خالد ده مش مريخابي.. ما يستضيف ليهو طبيب نفسي في الحلقة الجاية ويناقش موضوع زعل المريخاب ده!!
الو.. الو.. أيوة سامعك اتفضل.. الو.. سامعنك يااخي.. ممكن أشارك.. اتفضل أنا عندي مشكلة في البيت.. أنا عندي ولدي ولدوهو يوم الهلال شال الدوري الممتاز في 2004 من اليوم داك بقيت ما بريدو.. حاولت اتجاهل الحاجة دي.. الولد من جا الدنيا المريخ ما شال الدوري الممتاز خمسة مواسم.. قلت لي أمو أمشي ربيهو عند أهلك ما تجي راجعة الا المريخ يشيل الدوري.. بعد المريخ شال الدوري جات راجعة.. المشكلة لقيت الولد هلالابي..؟ أعمل شنو !!
بعد الحصل بيناتنا ما نطق القدر.. أعمل شنو..
نواصل بعد الفاصل!
|
|
|
|
|
|
|
|
العنوان |
الكاتب |
Date |
تحولت لتشيجع المريخ | فدياس نجم الدين | 11-02-10, 06:37 AM |
Re: تحولت لتشيجع المريخ | فدياس نجم الدين | 11-02-10, 06:39 AM |
Re: تحولت لتشيجع المريخ | فدياس نجم الدين | 11-02-10, 06:41 AM |
Re: تحولت لتشيجع المريخ | فدياس نجم الدين | 11-02-10, 06:44 AM |
Re: تحولت لتشيجع المريخ | osman righeem | 11-02-10, 06:48 AM |
Re: تحولت لتشيجع المريخ | فدياس نجم الدين | 11-02-10, 06:52 AM |
Re: تحولت لتشيجع المريخ | فدياس نجم الدين | 11-02-10, 06:48 AM |
Re: تحولت لتشيجع المريخ | ابراهيم محمد الحسن | 11-02-10, 06:52 AM |
Re: تحولت لتشيجع المريخ | ابراهيم محمد الحسن | 11-02-10, 06:54 AM |
Re: تحولت لتشيجع المريخ | فدياس نجم الدين | 11-02-10, 06:56 AM |
Re: تحولت لتشيجع المريخ | فدياس نجم الدين | 11-02-10, 06:59 AM |
Re: تحولت لتشيجع المريخ | فدياس نجم الدين | 11-02-10, 07:01 AM |
Re: تحولت لتشيجع المريخ | ابراهيم محمد الحسن | 11-02-10, 07:04 AM |
Re: تحولت لتشيجع المريخ | فدياس نجم الدين | 11-02-10, 07:07 AM |
Re: تحولت لتشيجع المريخ | فدياس نجم الدين | 11-02-10, 07:11 AM |
Re: تحولت لتشيجع المريخ | عمر عبد الله فضل المولى | 11-02-10, 07:13 AM |
Re: تحولت لتشيجع المريخ | ابراهيم محمد الحسن | 11-02-10, 07:13 AM |
Re: تحولت لتشيجع المريخ | فدياس نجم الدين | 11-02-10, 07:22 AM |
Re: تحولت لتشيجع المريخ | محمد يوسف الزين | 11-02-10, 07:28 AM |
Re: تحولت لتشيجع المريخ | ابراهيم محمد الحسن | 11-02-10, 07:36 AM |
Re: تحولت لتشيجع المريخ | محمد يوسف الزين | 11-02-10, 07:36 AM |
Re: تحولت لتشيجع المريخ | Shihab Hamadnala | 11-02-10, 07:48 AM |
Re: تحولت لتشيجع المريخ | Shihab Hamadnala | 11-02-10, 07:48 AM |
Re: تحولت لتشيجع المريخ | فيصل نوبي | 11-02-10, 07:53 AM |
Re: تحولت لتشيجع المريخ | معاذ الهادي | 11-02-10, 08:13 AM |
Re: تحولت لتشيجع المريخ | فدياس نجم الدين | 11-02-10, 10:25 AM |
Re: تحولت لتشيجع المريخ | معاذ الهادي | 11-02-10, 12:36 PM |
Re: تحولت لتشيجع المريخ | Saifelyazal Elmaki | 11-02-10, 08:18 AM |
Re: تحولت لتشيجع المريخ | محمد سنى دفع الله | 11-02-10, 08:22 AM |
Re: تحولت لتشيجع المريخ | هاشم محمد الحسن عبدالله | 11-02-10, 08:53 AM |
Re: تحولت لتشيجع المريخ | عبدالفتاح أبوشيمة | 11-02-10, 09:50 AM |
Re: تحولت لتشيجع المريخ | الحاج حمد الحاج | 11-02-10, 09:56 AM |
Re: تحولت لتشيجع المريخ | فدياس نجم الدين | 11-02-10, 10:14 AM |
Re: تحولت لتشيجع المريخ | فدياس نجم الدين | 11-02-10, 10:30 AM |
Re: تحولت لتشيجع المريخ | عبدالفتاح أبوشيمة | 11-02-10, 12:05 PM |
Re: تحولت لتشيجع المريخ | فدياس نجم الدين | 11-02-10, 10:27 AM |
Re: تحولت لتشيجع المريخ | فدياس نجم الدين | 11-02-10, 10:32 AM |
Re: تحولت لتشيجع المريخ | فدياس نجم الدين | 11-02-10, 10:17 AM |
Re: تحولت لتشيجع المريخ | فدياس نجم الدين | 11-02-10, 10:21 AM |
Re: تحولت لتشيجع المريخ | Abdlaziz Eisa | 11-02-10, 12:33 PM |
Re: تحولت لتشيجع المريخ | abuguta | 11-02-10, 12:55 PM |
Re: تحولت لتشيجع المريخ | منتصرمحمد زكى | 11-02-10, 02:03 PM |
Re: تحولت لتشيجع المريخ | فدياس نجم الدين | 11-03-10, 07:27 AM |
Re: تحولت لتشيجع المريخ | Hassan Senada | 11-03-10, 08:22 AM |
Re: تحولت لتشيجع المريخ | فدياس نجم الدين | 11-03-10, 01:26 PM |
Re: تحولت لتشيجع المريخ | امير عوض الجمري | 11-03-10, 04:37 PM |
|
|
|