|
|
 Re: يا عمر البشير امرق النصيحة ** (Re: محمد على طه الملك)
|
يا ريس ..
قالوا انت زول ضكران وطيبان ..
يمكن ـ لكن دي صفات طيبه لزول عادي ما زول حكم ..
زول الحكم دا في الادبيات الحديثة سمو سياسي..
يعني عنده قدرة على التخطيط واصابة الحدث في مكانه وزمانه واتخاذ القرار في ظروف صحته..
يعني الشغلانه ما ها فصاحة لسان والا هي استعراض عضلات وهرش ..
بصراحه كده نفسي افهم ..
شنو الكان في بالك لامن ركبت أنت ورفاقتك وقلبتوها سنة 89؟
يعني كنتو عايزين تنجزو شنو للوطن ؟
عايزين تنقذونا لى شنو ولحد وين؟
بس اوعك تدور ليّ اسطوانة رفاقنك العساكر المشروخه ديك..
بتاعة الأحزاب فعلت والوطن مش عارف أيه ـ ولسان جرقاس ومادريك ..
عايز أعرف فكرتك هدفك ، خطتك ، برنامجك الكنت راسمو عشان تنقذنا وتنقذ البلد ؟
ما تقول ليّ الشريعة ؟
طيب الشريعة الجابها نميري ما كانت قاااااعدة !
قالولك في زول هبشها وللا لوى رقبتها عشان تجي تستعدلها ؟
طيب المساواة والعدالة ماهن من شروط الشريعة ؟
نان وينن والناس في جهات السودان الأربعة تشكي من الاهمال والظلم والمسبغة؟
ما تقول ليّ نحن مرقنا ليكم البترول ؟.. اهو بقى ماشى لى سياده..
واكان لى شويتين الظلط الجلبطوا بيهو الشوارع ..
وللا ..
الخزان و الكباري والمصفى وجياد الماعارفين سيدها..
يبقي تمن صبرنا طلع زي بشارة وزيرك ( كسرة بى موية وشمار في مرقة)..
أيه يعني الحاجات دي ياريس قصاد واحد وعشرين سنة سخرة شعبية!؟
طاعة وعطاء صامت وصبر على العطالة وكفاف العيش ..
سنين وسنين الناس تدفع في الضرائب والزكاة والجبايات المختلفة من الدمغات ..
وهم متنازلين عن حقوقهم في خدمات الصحة والعلاج والتعليم المجاني للدولة ..
هجرة وغربة وشلهته من بلد لبلد لامن وصلنا سيبريا ..
ونافسنا ناس الاسكيمو في عيشتهم عشان نكفي أهالينا ذل السؤآل !
أيه يعني فايدة الانجازات دي اذا اعتبرناها انجازات جاءت على حساب دمار مشاريعنا الاقتصادية الكبرى!؟..
في الجزيرة والمناقل والقاش وطوكر والزراعة بصفة عامة ..
ايه فايدتها لما تقوم على انقاض منتجنا من الصمغ العربي وهلاك ثروتنا من الماشية والضأن !؟
من الثروات دي بس الدولة السودانية وفرت ليك وللاجيال السبقتك علاج وتعليم مجاني وداخلى كمان !
شنو قيمة الأنجزتو الانقاذ من تنمية خلال عشرين سنة قصاد الدمار الاجتماعي والصراعات الاثنية والجهوية الخلفتو !؟
أيه لازمتها من اساسه مادام الدولة بقت عاجزة عن توفير اهم بند وهو الأمن والاستقرار بين مواطنيها!؟
بعتوا الأراضي والشركات والمؤسسات والبنوك الوطنية للأجانب ..
وتنازلتو عن بلدان حدودية بكاملها للجيران بدون ما يعرف الشعب المقابل شنو..
سيبك من أبناء جيلي صاحب الحظ التعيس ..
المصيره خلاه ضحية لحكم دكتاتوري زهق سنوات طفولته وبواكير شبابه ..
وجات الانقاذ عليهو فتشرد منهم ما يقارب جيل كامل على باب الله في الآفاق ..
سيبك من الجيل المضحون بين رحى الدكتاتوريات والديمقراطيات الضعيفة دا ..
تعال شوف الشباب ديل الولدوهم يوم طليت انت علينا ..
شوفهم واقفين في كل زاوية رافعين عقيرتهم بقولوا خلالالالاص قرفنا .. قرفنااااا..
بلاش من ديك و ديل..
كدى عاين لى روحك انت ..
بعد واحد وعشرين سنة رسيت بيها وبوطنك وشعبك وين!؟..
...
|
|
 
|
|
|
|
|
| العنوان |
الكاتب |
Date |
| يا عمر البشير امرق النصيحة ** | محمد على طه الملك | 11-01-10, 00:35 AM |
| Re: يا عمر البشير امرق النصيحة ** | محمد على طه الملك | 11-01-10, 00:37 AM |
| Re: يا عمر البشير امرق النصيحة ** | محمد على طه الملك | 11-01-10, 00:39 AM |
| Re: يا عمر البشير امرق النصيحة ** | محمد على طه الملك | 11-01-10, 00:41 AM |
| Re: يا عمر البشير امرق النصيحة ** | محمد على طه الملك | 11-01-10, 00:43 AM |
| Re: يا عمر البشير امرق النصيحة ** | محمد على طه الملك | 11-01-10, 00:44 AM |
| Re: يا عمر البشير امرق النصيحة ** | محمد على طه الملك | 11-01-10, 00:46 AM |
| Re: يا عمر البشير امرق النصيحة ** | محمد على طه الملك | 11-01-10, 00:48 AM |
| Re: يا عمر البشير امرق النصيحة ** | محمد على طه الملك | 11-01-10, 00:50 AM |
| Re: يا عمر البشير امرق النصيحة ** | حمور زيادة | 11-01-10, 00:59 AM |
| Re: يا عمر البشير امرق النصيحة ** | محمد على طه الملك | 11-01-10, 01:11 AM |
| Re: يا عمر البشير امرق النصيحة ** | Elbagir Osman | 11-01-10, 02:38 AM |
| Re: يا عمر البشير امرق النصيحة ** | محمد على طه الملك | 11-01-10, 07:16 PM |
| Re: يا عمر البشير امرق النصيحة ** | بكري الصايغ | 11-01-10, 03:13 AM |
| Re: يا عمر البشير امرق النصيحة ** | عبدالأله زمراوي | 11-01-10, 07:26 AM |
| Re: يا عمر البشير امرق النصيحة ** | جعفر محي الدين | 11-01-10, 09:18 AM |
| Re: يا عمر البشير امرق النصيحة ** | محمد على طه الملك | 11-01-10, 09:38 PM |
| Re: يا عمر البشير امرق النصيحة ** | محمد أحمد الريح | 11-01-10, 11:02 PM |
| Re: يا عمر البشير امرق النصيحة ** | Mustafa Mahmoud | 11-01-10, 11:09 PM |
| Re: يا عمر البشير امرق النصيحة ** | محمد على طه الملك | 11-06-10, 09:20 AM |
| Re: يا عمر البشير امرق النصيحة ** | محمد على طه الملك | 11-06-10, 09:23 AM |
| Re: يا عمر البشير امرق النصيحة ** | محمد على طه الملك | 11-06-10, 09:26 AM |
| Re: يا عمر البشير امرق النصيحة ** | مجاهد حسن طه | 11-07-10, 03:36 PM |
| Re: يا عمر البشير امرق النصيحة ** | مجاهد حسن طه | 11-08-10, 08:03 PM |
| Re: يا عمر البشير امرق النصيحة ** | محمد على طه الملك | 11-09-10, 11:04 PM |
| Re: يا عمر البشير امرق النصيحة ** | مجاهد حسن طه | 11-14-10, 03:15 PM |
| Re: يا عمر البشير امرق النصيحة ** | Nazik Eltayeb | 11-14-10, 11:08 PM |
| Re: يا عمر البشير امرق النصيحة ** | سالم أحمد سالم | 11-15-10, 00:13 AM |
|
| |
محمد على طه الملك
فيس بوك
تويتر
انستقرام
يوتيوب
بنتيريست