|
Re: علوق الشدة ساعة الشدة (Re: مجاهد حسن طه)
|
شهر واحد وتبقى خريطة السودان ذى { حبل الشرموط } لا تترسم و لا تنهضم ..اهل السودان مشغولين بسباق الحمير.. و المستفيدين الحقيقيين يعدون العدة لاستقيال المولود الجديد .. علم و سلام و طنى و عملة و جيش و سفارات و سفراء و اسماء من ضمنها { افريقيا السوداء } و { السودان الجديد } و ناس اعترفوا بالدولة الجديدة قبل ان تتم الولادة..و طبعا سياسات و برامج و خطط .. دولة قائمة بذاتها .. لا يهمها اى عهود او مواثيق او التزامات او باقى حسابات مع اى { زول } .. كان فى { زول } عندو باقى حساب مع الجماعة ديل احسن يشيلو من حسه .. الجماعة ديل سيكونوا مشغولين بصدمة حضارية و بواقع لم يكونوا يحلموا بيه .. و بناء دولة ما ذى بناء قطية .. اما التحديات التى ستواجههم فهذا من شانهم ..و الكلام على البدايات و الاساس .. من اسس دولته على شفا جرف هار سينهار به و من اسسها على اعمدة صلدة صمدت و فرح بها .. يجو الامريكان و الاسرائليين و الشواطين لا يهمنا .. يهمنا ما تبقى من الوطن .. اها الحزب الحاكم سينفرد بالباقى و لا سيشارك { الخبوب } ..تانى مافى .. عزة فى هواك و لا باوطنى با بلد اجدادى و لا الذكريات و لا امدر يا ربوع سودانا و لا اهلنا و صونا على البلد و لامنقو قل لا عاش من يفصلنا و لا بلد حدادى مدادى و لا يحزنون .. منتهى السقوط و الفشل ..
|
|
|
|
|
|
|
|
|