رئيس مجلس التحرير الثورى المركزى ينفى إعفائه لدكتور تجانى سيسى

Quote: الاخ محمد سليمان سلام ما يحدث في الدوحه كان طبيعي ان تكون هذه نهايته. وربنا يعين اهل دارفور من العابثين بقضاياهم. الاخ عمر فضل المولى تعلم تماما انه انت تحديدا من ناس حزب الامه وليس غيرك متهم بانك تعير (احيانا)باس وردك لرباح الصادق المهدي!! وشكل مدخلاتك واختلافها عن لداحة رباح نعرفها جيدا. يا رباح الصادق المهدي انتو التجاني سيسي ده لما عاجبكم قدر ده ما كان تنصفوا وتدهوا رئاسة الحزب؟؟!! لمتين محنطين ابناء الهامش من امثاله في منصب امين عام زي المرحوم د.عبد النبي؟؟!! ونعلم تماما انه والدكم الصادق المهدي ذهب له بعد وفاة د.عبد النبي وطلب منه تولي منصبه ورفض التجاني وقال له لو انا فعلا كفأه ما تطلب مني تولي رئاسة الحزب!! ولمتين نحن في منصب آمين عام!!وكان ما عارفه الكلام ده لعلمك اتقال وبشهود!! Quote: الاخ عمر فضل المولى هل تعيين بشرى و عبدالرحمن الصادق المهدي بجهاز الامن و الجيش ايضاً جزء من استحقاقات الحزب ؟! نجيء لخليل ابراهيم الدباب.....الدباب ده تلميذ نسيبكم الترابي وزوج عمتك وصال فهل خلعتموهوم ام ان الظفر ما بطلع من اللحم وعايزين الناس تطلع ظفرها من لحمها عشان خاطر عيونكم؟؟! د.خليل ابراهيم عرف مظالم الهامش وانحاز لها يكون دباب يكون شيوعي ياهو ولدنا ومبتني مظالمنا. بعيدن الطرح الديني مالكم معاهو ما انتو سمن على عسل معاهو وما ياكم الحزب الرفض التراجع عن قوانين سبتمتر ايام وجودكم في السلطه الآخيره؟؟!! وعاملين متباكين على انفصال الجنوب الآن؟؟!!ما انتو من وضع اللبنه الاولى لذلك؟؟!! ده غير مذبحة الضعين وغير تسليح الملشيات المنكرنه!!