Quote: حيث جاء في سنن الدارمي الحديث 2518: - اخبرنا أبو المغيرة ثنا صفوان حدثني أزهر ابن عبد الله الحرازي عن ابي عامر عن عبدالله بن الحي الهورني عن معاوية بن أبي سفيان أن رسول الله قام فينا فقال ألا إن من كان قبلكم من أهل الكتاب افترقوا اثنتين وسبعين ملة وان هذه الأمة ستفترق على ثلاث وسبعين اثنتان وسبعون في النار وواحدة في الجنة..
صبرى الشريف ..تحياتى واشواقى ..
هسع عليك الله يا صبرى العالم دا فيهو زى 6 مليار المسلمين قالوا زى واحد مليار الشيعه فيهم زى 400 مليون والفرق الاخرى نصيريه+صوفيه+اباضيه+جمهوريين+قرانيين وغيرهم قول يعنى 500 مليون.. الباقى 100 مليون..يعنى ديل الوهابيه العاملين فيها اهل السنه والجماعه يعنى هم الفرقه الناجيه ..تفتكر الجنه العرضها السماوات والارض دى بس تكون اتعملت ليهم هم ..؟؟ والله دى انانيه اصلا ما عندها اى علاقه بزول بقرأ (ويؤثرون على انفسهم) (ولا تجعل فى قلوبنا غلا للذين آمنوا) وربنا اسمه الحكم والعدل والوهاب والغفار والعفو والكريم والرحيم وذوالجلال والاكرام.. وديل دايرين يودوا 72 فرقه حته واحده كدا النار وهم براهم يمشوا الجنه..!! انا بديت بالشيعه لانهم حديث فيهو معاويه دا اصلا ما بقروهو ذاتو ..!!! وحتى اهل السنه والجماعه عندهم راى فى معاويه(الجرح والتعديل) كون معاويه احد الذين كانو يكتبون الوحى ثم ارتد ورجع مكه وعند فتحها لم يكن فى القائمه الشهيره التى اهدر الرسول صلى الله عليه وسلم دمها وكان فيها عبدالله ابن ابى سرح (كاتب وحى مرتد هرب مع معاويه) حتى توسط له(أخيه فى الرضاعه) سيدنا عثمان ابن عفان لدى الرسول فعفى عنهما (القصه يطول شرحها) موجوده فى كتب السيره والتاريخ .. المهم اسانيد الحديث المعنى فيهم جرح وتعديل ..
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة