أعز صحاب لفساتين رقيص العروس.. بجانب خلوة الصايم ديما!

بت الحسين
ليك التحية يا ست الفهم
ياتو صايم ديمة فيهم؟
الصادق واللاّ داك سيد الإسم؟
الناس دي ما بتفهم فهم
ولما يقول زولاً بغم
يقوموا فيه زي الغنم
ويهاجموه ويبقاله غم
يا ربّي بالجد مسلمين واللاّ العجم
ماليين بلاد من دون فهم
وين إتيكيت محلياتن الشابكات نضم
الرخصة كيف يدّوها جنب الخلوة يا ناس يا بُجُمْ
كيفن وليد عبر بلاد شان يفتهم
في الخلوة يلقاها النعم
يلقى جواره كل سجم
العيب دا في الناس الحاربو كل النظم
كايسين يخرّبوا للقيم
أواه ياناس يا بجم
ماسكين درب نشر الفساد بي كل طريقة وكل نغم
--
صور زي دي ومانيكينات جايبة غم
وعنوسة ضاربة في القمم
وفساد شديد في كل فم
تكاليف زواج عاملة الرواج
بقت بناتنا زي دجاج مدبوح هناك خلف الزجاج
وفترينات العجاج
سجم الرماد الكال حماد عامل سناج
والخلوة والرقشة ديك اللات بجاج
ووينك يا حاج
ويقلّدن داك اللبس ومن غير رتاج
البت بقت كل ليلها داج
حال السواد يا يمة خرّبت المزاج
والغنوة جايبالنا العجاج
الجايي من كل الفجاج
دا ياهو صار حال الزواج
يا ربي يفضل فينا ناج
وما يسوقونا زي سوق النعاج
وداخل جهنم بالرتاج
ويا ربّي يفضل فينا ناج
وما يسوقونا زي سوق النعاج
وداخل جهنم بالرتاج