البشير تحدث عن حماية ولم يتحدث عن نيل جنسية

Quote: دعنا نتفق أن هذه المسائل تعالجها إتفاقية نيفاشا نص وروحا والباقي نتمه من القانون الدولي و ميثاق حقوق الانسان والأعراف والسوابق أفترض أن هناك جنوبي ولد في الشمال وصوت في الاستفتاء للوحدة وعشان نعقد المسألة أكثر مسلم ويتبع للمؤتمر الوطني، زول زي دا ترحله عن السودان وما تعتبره مواطن بياتو منطق ؟؟؟؟؟؟؟ هل لان الغالبية من الجنوبيين إختاروا الانفصال هو لازم يتبعهم؟؟؟ عندما إستقل السودان عن مصر ورغم زعلتهم الشديدة إلا أنهم خيروا السودانيين بين البقاء قي مصر أو المغادرة، وحتي العسكريين العامليين في الجيش المصري واصلوا في الخدمة وبعضهم جاء إلي السودان لاحقا وألتحق بالجيش السوداني. وزمان لمن قام اجدادنا بالثورة المهدية ضد الاتراك، لم نرحل تركيا واحدا ولا مصريا واحدا لبلدهم بقوا في السودان معززين مكرميين وصاروا لرؤوساء ووزراء ويجوا ديل ويقوموا يطلعوا الجنوبيين من السودان والجنوبيين أقرب إلينا من حبل الوريد، عرقا وثقافة ومصير ؟؟؟؟؟؟؟؟؟؟؟؟