البشير تحدث عن حماية ولم يتحدث عن نيل جنسية

Quote: بصراحة أنا ما فهمت مجمل كلامك لكن برد علي قدر الفهمته Quote: الجنوب مشكلة عرقية إذا قاصد إنه مشكلة الجنوب سببها صراع أو خلاف بين أعراق مختلفة ما بتكون بعدت كثير فهمني أنا وممكن يكون مختلف معاك شوية العرقي في مشكلة الجنوب أن أهل الشمال يحتقرون الجنوبيين ويتعاملون معهم بقدر كبير من الاستعلاء والاستخفاف وزي ما قال تبارك في بوست آخر: مافي زول بتحترمه بحاربك وما في بتحتقره بسكت ليك إنت إذا شايف إنو مافي إستعلاء قول لينا وإذا شايف إستعلاء لكن عندك مبرر للحكاية برضو قول لينا وضع الجنوبيين في الشمال والشماليين في الجنوب بعد الانفصال، الله لا جابه، محكوم بنصوص وروح إتفاق سلام نيفاشا ولذلك ليس من المجدي أن نهرق فيها مدادا أو طقات كيبورد وإذا أردنا أن نجنب بلادنا التوتر وأن نبعد عنها شبح الحرب فلنحترم نحن السودانيين في الشمال خيارات السودانيين في الجنوب ونزيد المسألة إعتذار عن سنوات الحرب والتدمير والقتل سمبلا الذي حدث وبعد نشوف طريقة للتعاون بما يحفظ حقوق الطريفين وبما في ذلك حركة الايدي العاملة ورأس المال والموارد بين جنوب السودان وشماله. مش أحسن مما نتسورد أثنين مليون مصري عشان يشتغلوا في السودان، نشوف صرفة لاهلنا الجنوبيين في الاول كان دايرين يبقوا كعمالة ولا مستثمرين ولا غيره وما تنسي إنو موارد الجنوب من البترول ستجعل إقتصاده قويا وقد يضطر الشماليون للهجرة للجنوب للعمل بعد أن كانو يهاجرون تجارا ومستثمرين وطبعا ما غايب علي أن كثيرين ممن سيقرأون هذا البوست أن سيقولون المصريين أهلنا أكثر من الجنوبيين وديل محل محاورتهم بوست آخر